श्रीरामपूर (अहमदनगर) : लाखो साई भक्तांसाठी सुरु केलेली मुंबई- शिर्डी फास्ट पॅसेंजरसह पंढरपूरसाठी रेल्वे तातडीने सुरु करण्याची मागणी स्थानिक रेल्वे सल्लागार समितीने केली आहे. शहरात स्टेशन सल्लागार समितीच्या नुतन सदस्यासमवेत स्टेशनप्रबंधक कार्यालयात नुकतीच बैठक पार पडली.
यावेळी वाणिज्य निरीक्षक ए. जे. देशमुख, वाहतूक निरीक्षक पी. के. ठाकूर, स्टेशनप्रबंधक ए. के. यादव, रेल्वे सल्लागार समितीचे सदस्य रणजित श्रीगोड, विशाल फोपळे उपस्थित होते. बैठकीत नगराध्यक्षा अनुराधा आदिक यांच्या हस्ते नुतन स्टेशनप्रबंधक ए. के. यादव यांचा सत्कार करण्यात आला.
नगर जिल्ह्यातील बातम्या वाचण्यासाठी येथे क्लिक करा
दौड-मनमाड रेल्वेमार्गावर सध्या पॅसेंजर रेल्वे सुरु नसल्याने प्रवाशांचे मोठे नुकसान होत आहे. मुंबईकडे जाणारी पुणे-मुंबई शिर्डी फास्ट पॅसेंजर आणि साईनगर पंढरपूर साप्ताहिक रेल्वे गाडी तातडीने सुरु करण्याची मागणी बैठकीत सर्वानुमते करण्यात आली. पॅसेंजर रेल्वे बंद असल्याने सर्वसामान्य प्रवासी प्रवासापासून वंचीत राहत आहे.
पंढरपूर रेल्वेला सिटींग आरक्षण देऊन ती व्यवस्था सुरु करण्याची मागणी यावेळी करण्यात आली. याप्रसंगी नगराध्यक्षा अनुराधा आदिक, मंजुश्री मुरकुटे, अनिल कुलकर्णी, अमोल कोलते, बन्सी फेरवानी, प्राचार्य गोरख बारहाते यांनी चर्चेत सहभाग नोंदविला. पुढील काळात शहरातील रेल्वे स्थानकाचा विकास होणार असल्याचे आश्वासन रेल्वे अधिकारी देशमुख, ठाकूर, यादव यांनी दिले. अनिल कुलकर्णी यांनी मान्यवरांचे स्वागत केले. नुतन सदस्यांचा यादव यांनी सत्कार केला. तर विशाल फोपळे यांनी आभार मानले.
संपादन : अशोक मुरुमकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.