अहमदनगर : स्वच्छतेचा जागर करणाऱ्या नगर पंचायत समितीच्या आवारात अस्वच्छतेचे साम्राज्य निर्माण झाले आहे. त्यामुळे अधिकारी-कर्मचाऱ्यांनाच स्वच्छतेचे धडे देण्याची गरज भासू लागली आहे. भंडाऱ्यातील आगीच्या घटनेनंतर सरकारने फायर ऑडिट करण्याच्या सूचना दिल्या. मात्र, नगर पंचायत समिती अजून गाढ झोपेत असल्याचे दिसते.
भारनियमन झाल्यानंतर सर्व कामकाज विनाअडथळा सुरू राहावे, यासाठी इन्व्हर्टरची व्यवस्था करण्यात आली आहे. त्याच्या बॅटऱ्या ठेवण्यास जागा नसल्यामुळे त्या जिन्याखाली ठेवलेल्या आहेत. मात्र, बॅटऱ्या ठेवताना सुरक्षेच्या दृष्टीने उपाययोजना करणे आवश्यक असतानाही त्याकडे प्रशासनाचे दुर्लक्ष झाले आहे. कार्यालयातील मोडकळीला आलेल्या खुर्च्या, टेबल व अडगळीचे साहित्य जिन्याखाली अस्ताव्यस्त ठेवलेले असून, तेथे धुळीचे साम्राज्य निर्माण झाले आहे. स्वच्छतेमुळे इमारतीची रया गेली आहे. याच ठिकाणी एक कुंडी ठेवण्यात आली असून, तिचा पिचकदाणी म्हणून वापर केला जात आहे.
पंचायत समितीतील रोजचा कचरा कार्यालयाच्या इमारतीजवळ मागील बाजूस संकलित केला जात असून, तो जाळला जात आहे. यामुळे आगीची घटना घडण्याची शक्यता असतानाही प्रशासनाचे दुर्लक्ष झाल्याने आश्चर्य व्यक्त केले जात आहे.
नगर पंचायत समितीत स्वच्छता ठेवण्यात येत असून, काही साहित्य ठेवण्यास जागा नसल्याने ते जिन्याखाली ठेवण्यात आले आहे. आवारात कचरा जाळण्यात येत असेल, तर ते बंद करण्याबाबत संबंधितांना सूचना करण्यात येईल.
- सचिन घाडगे, गटविकास अधिकारी, पंचायत समिती, नगर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.