अहमदनगर ः ""पावसाळ्यापूर्वी शहरातील ओढ्या-नाल्यांच्या सफाईचे काम महापालिकेच्या बांधकाम विभागाने सुरू केले आहे. ओढ्या-नाल्यांच्या नैसर्गिक प्रवाहात अडथळा ठरणारी अतिक्रमणे सक्तीने काढण्यात येतील,'' असे महापालिकेचे शहर अभियंता सुरेश इथापे यांनी सांगितले.
हेही वाचा - नगरकरांसाठी गुड न्यूज
महापालिकेच्या बांधकाम विभागातर्फे ओढ्या-नाल्यांच्या सफाईचे काम सुरू आहे. काल (मंगळवारी) तीन पोकलेनद्वारे वेगवेगळ्या ठिकाणी काम सुरू करण्यात आले. त्यात निर्मलनगर येथील भगवानबाबा चौकाजवळील ओढा, गुलमोहर रस्ता, मार्कंडेय सोसायटी परिसरातील ओढा व जुन्या आरटीओ कार्यालयासमोरील नाल्याच्या सफाईचे काम पूर्ण झाले.
दोन दिवसांत आणखी दोन पोकलेनद्वारे काम करण्यात येणार आहे. ओढ्या-नाल्यांत, गाळ, गवत, झाडे-झुडपे वाढली आहेत. ती हटवून नैसर्गिक प्रवाह खुला करण्यात येत आहे. शहरात मोठे ओढे-नाले 21 आहेत. शिवाय नाले, बंद गटारे, भुयारी गटारीसुद्धा पावसाळ्यापूर्वी स्वच्छ करण्याचे नियोजन आहे, असे इथापे यांनी सांगितले.
शहरासह उपनगरांतील ओढ्या-नाल्यांत भराव टाकून अतिक्रमणे करण्यात आली आहेत. ती हटविल्यास पावसाळ्यात शहरात पूरस्थिती निर्माण होणार नाही. गेल्या वर्षी शहरातील उपनगरांच्या काही भागात पूरस्थिती निर्माण झाली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.