श्रीरामपूर (जि.अहमदनगर) : येथील नगरपालिकेसमोर माजी नगराध्यक्ष व नगरसेवक यांच्यात आज (गुरुवारी) दुपारच्या सुमारास शाब्दिक चकमक झाली. याप्रकरणी शहर पोलिस ठाण्यात परस्परविरोधी अदखलपात्र गुन्हे दाखल केल्याची माहिती पोलिस निरीक्षक संजय सानप यांनी दिली. (Fight-between-former-mayor-and-corporators-marathi-news-jpd93)

श्रीरामपूर शहर पोलिस ठाण्यात परस्परविरोधी गुन्हे

काँग्रेसतर्फे गुरुवारी (ता.२९) आशा सेविकांच्या मानधनप्रश्‍नी मुख्याधिकाऱ्यांना घेराव घातला होता. त्यासाठी पालिकेच्या गेटसमोर आपल्या सहकाऱ्यांची माजी नगराध्यक्ष अनिल कांबळे हे वाट पाहत होते. त्यावेळी पालिकेतून आपले काम आटोपून नगरसेवक रवी पाटील हे गेटवर आले. दोघांची नजरानजर झाल्यानंतर दोघांमध्ये शाब्दीक चकमक झाली. त्यामुळे माजी नगराध्यक्ष कांबळे व नगरसेविका भारती कांबळे यांनी दिलेल्या तक्रारीनुसार नगरसेवक रवी पाटील यांच्या विरुद्ध अदखलपात्र गुन्हा दाखल झाला. नगरसेवक रवी पाटील यांच्या तक्रारीनुसार माजी नगराध्यक्ष अनिल कांबळे यांच्याविरुद्ध अदखलपात्र गुन्हा दाखल केल्याची माहिती पोलिस निरिक्षक सानप यांनी दिली.