अकोले : वडील आश्रमशाळेत कामाठी. तेही अचानक दिवंगत झाले. त्यांच्या जागेवर आईने स्वयंपाकी म्हणून सेवा करीत सुजाताला शिकविले. सुजाता आश्रमशाळेत शिक्षण घेऊन पोलिस अधिकारी झाली. आज ती एमपीएससी परीक्षा देऊन नायब तहसीलदार झाल्याने आईला आनंदाश्रू आवरता आले नाहीत. 

हेही वाचा जिल्हा परिषद या चौदा मार्गातून उत्पन्न वाढविणार 

अकोले तालुक्‍यातील केळी-कोतूळ या आदिवासी भागात जन्म घेतलेल्या या रणरागिनीने पीएसआय पदावरून थेट नायब तहसीलदार या उच्च पदाला गवसणी घातली. सुजाता वायाळ असे या मुलीचे नाव असून, तिने एमपीएससी परीक्षेत घवघवीत यश संपादन करीत आई-वडिलांचे नाव राज्यात सर्वदूर पोचवले आहे. केळी-कोतूळ व केळी-रुम्हणवाडीसारख्या आदिवासी भागातून शिक्षणाला सुरवात केलेल्या सुजाता वायाळ हिने आपल्या संघर्षमय जीवनात आलेल्या संघर्षाचा व वाईट अनुभवाचा सामना केला. त्यात सगळ्यात मोठं दुःख म्हणजे वडिलांचं निधन झाले.

आवश्‍य वाचा दोस्तींनी सोबत केली पार्टी... मग आवळला गळा 

घरातील सर्व जण हतबल झाले. याच परिस्थितीत जनसेवा व कुटुंबाला सावरण्याचा ध्यास मनाशी बाळगून राज्य लोकसेवा आयोगाच्या परीक्षेत पीएसआय पदावर काम करीत रात्रंदिवस मेहनत घेऊन सुजाता वायाळ हिने आकाशाला गवसणी घालत नायब तहसीलदार होण्याचा मान मिळविला आहे. सुजाताची घरची आर्थिक परिस्थिती बेताचीच असल्याने केळी-रुम्हणवाडी या आदिवासी भागात राहूनदेखील आपली जिद्द पूर्ण करण्यासाठी प्रयत्न कधीच सोडले नाहीत. सुजाताने पीएसआय या सन्मानाच्या पदावर काम करत पुढचे प्रयत्न न सोडता रात्रंदिवस मेहनत घेऊन अन्य मुलांसमोर एक वेगळा आदर्श निर्माण केला. अहमदनगर 
......