श्रीरामपूर ः कोविड 19 च्या पार्श्वभूमीवर राज्यातील छोट्या मोठ्या उद्योग, व्यावसायिकांना उभारी देण्यासाठी मुद्रा लोन अंतर्गत तातडीने कर्ज देण्याच्या सूचना केंद्र सरकरने दिल्या आहेत.
महाराष्ट्र बॅंकेच्या येथील शाखेंतर्गत 220 लाभार्थी खातेदारांना त्याचा लाभ दिला जात असल्याची माहिती बॅंकेचे शाखा प्रबंधक शरद कळमकर व उपप्रबंधक प्रदीप माळी यांनी दिली.
हेही वाचा - जिल्हा परिषदेच्या चाव्या खासगी व्यक्तीच्या हाती
कोरोनाच्या संकटात लाॅकडाऊनमुळे अनेक उद्योगव्यवसाय अडचणीत आले आहेत. अशा उद्योगांना पुन्हा उभारी देण्यासाठी केंद्र सरकारच्या कोवीड 19 या योजनेंतर्गत कर्ज रकमेच्या 20 टक्के रक्कम तातडीचे कर्ज म्हणून देण्याच्या सूचना आहेत. त्यानुसार येथील शाखेतून मुद्रा लोनअंतर्गत कर्ज घेतलेल्या 220 लाभार्थी व्यावसायिकांना बॅंकेत बोलावून त्यांना तातडीच्या कर्जाची रक्कम अदा केली जात आहे.
सरकारने शेतकऱ्यांसाठीही मदतीचा हात दिला असून नियमित कर्ज फेड करणाऱ्या शेतकऱ्यांना एक लाख रुपयापर्यंतचे तातडीचे कर्ज दिले जात असल्याचे कळमकर व माळी यांनी सांगितले.
लाॅकडाऊन काळात तसेच शिथिलतेनंतरही बॅंकेत ग्राहकांची मोठ्या प्रमाणावर गर्दी होत असताना ग्राहकांना तत्पर सेवा देण्याचा प्रयत्न कर्मचारी करीत आहेत. बॅंकेकडून मिळणाऱ्या विविध योजनांच्या लाभामुळे तसेच कर्मचाऱ्यांच्या सेवेमुळे ग्राहकांमधून समाधान व्यक्त केले जात असल्याचे त्यांनी स्पष्ट केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.