टाकळी ढोकेश्वर : कान्हूर पठार (ता. पारनेर) येथील तरुणांनी लोकसहभागातून उभ्या केलेल्या जलसंधारणाच्या कामांना आता चांगलाच वेग मिळाला आहे. सर्वच स्तरांवरून मदतीचा ओघ सुरू असताना गावातील लक्ष्मीबाई पांडुरंग ठुबे या आजींनी आपली बचत केलेली 51 हजारांची रक्कम या जलक्रांती अभियानासाठी दिली.
महिनाभरापासून येथील तरुणांनी सोशल नेटवर्किंग साइट्सवर केलेल्या आवाहनास गावातून व बाहेरील नागरिकांकडून चांगला प्रतिसाद मिळाला आहे. या कामांना मोठ्या प्रमाणावर निधी उपलब्ध झाला आहे. यातून गावातील तळे, केटीवेअर, ओढे यांचे खोलीकरण व रुंदीकरण झाले आहे. याचा उपयोग पाण्याची पातळी वाढविण्यासाठी निश्चित होणार आहे.
जुन्या काळात दुष्काळात गावातील तलावाची नालाबंडिंगसह इतर कामे गावातील जुन्या लोकांनी मोठ्या प्रमाणावर केली आहेत. त्यामुळे दुष्काळ काय आहे, त्याला कशा पद्धतीने कान्हूरकर तोंड देत आहेत हे जुन्या-जाणत्या ज्येष्ठांना चांगलेच ठाऊक आहे. आज तरुणांनी जी जलसंधारणाची कामे सुरू केली आहेत, ते पाहून जुने-जाणते आनंदित झाले आहेत. या कामांमुळे थोडीफार तरी गावाच्या पाणी पातळीत वाढ होईल.
तसाच तो लक्ष्मीबाई पांडुरंग ठुबे यांनाही चांगलाच जाणवला. त्यांनी केलेली बचत म्हणजे तब्बल 51 हजार रुपयांची रक्कम जलक्रांती अभियानासाठी दिली. ही रक्कम रावसाहेब झावरे, कैलास लोंढे, धनंजय ठुबे, सूरज नवले, प्रसाद शेळके, ज्ञानदेव वाघुंडे, स्वप्नील सोमवंशी यांनी स्वीकारली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.