अहमदनगर : रेशनिंगचा तांदूळ व गहू काळ्या बाजारामध्ये विक्री करण्याच्या उद्देशाने केलेला सुमारे ४० लाखांचा अवैध धान्यसाठ्यासह वाहने कोतवाली. पोलिस व जिल्हा पुरवठा विभागाच्या पथकाने शनिवारी (ता. १९) छाप्यात जप्त केले आहे. हा छापा बाजार समिती व केडगाव येथे टाकण्यात आलेला आहे. (in ahmednagar, ration wheat and rice are sold on the black market)

नगर शहरामध्ये रेशनचा गहू व तांदूळ काळ्या बाजारामध्ये विक्रीसाठी अवैधरीत्या साठा करून ठेवल्याची माहिती जिल्हा पुरवठा विभाग व पोलिसांना मिळाली होती. त्यानुसार संयुक्‍त पथकाने शनिवारी दुपारी दोनच्या सुमारास बाजार समितीमधील सोहम ट्रेडिंग कंपनी, तसेच केडगाव औद्यागिक वसाहतीतील नर्मदा फ्लोअर मिलवर छापा घातला. पोलिसांनी या ठिकाणी मुद्देमाल हस्तगत करून, त्या ठिकाणी असलेली बिलांची तपासणीसुद्धा सुरू केली आहे. ही दोन्ही दुकाने ‘सील’ करण्यात आली आहेत.

या छाप्यात तांदूळ व गव्हासह सहा वाहने जप्त करण्यात आलेली आहेत. सुमारे ४० लाख ९९ हजार ३७५ रुपयांचा मुद्देमाल दोन्ही ठिकाणी जप्त करण्यात आलेला आहे. या प्रकरणी कोतवाली पोलिस ठाण्यात दोन गुन्हे दाखल करण्यात आलेले आहेत. बाजार समितीतील पहिल्या छाप्यात सुरेश बबन रासकर, सागर अशोक नांगरे, आदिनाथ सुखदेव चव्हाण, भगवान हरिभाऊ छत्तिसे यांच्याविरुद्ध जीवनावश्‍यक वस्तू कायद्यान्वये गुन्हा दाखल करण्यात आला आहे. केडगाव येथील छाप्यात गणेश श्रीनिवास झंवर, जालिंदर नवनाथ चितळे, जालिंदर सुभाष जगताप, संदीप कारभारी पागिरे यांच्याविरोधात गुन्हा दाखल करण्यात आला आहे. (in ahmednagar, ration wheat and rice are sold on the black market)

.