नगर ः जिल्ह्यात कोरोनाबाधितांची संख्या वाढत असताना, बरे होण्याचा आलेखही उंचावत आहे. मात्र, दिवसेंदिवस कोरोनाबाधित रुग्णांच्या मृत्यूचा आकडाही वाढत आहे. आज दिवसभरात एकूण नऊ बाधित रुग्णांचा मृत्यू झाला. त्यामुळे जिल्ह्यात आजअखेर मृतांची संख्या 240 झाली आहे. मृत्यूचा आकडा शून्यावर आणण्यासाठी आरोग्य यंत्रणेचे विशेष प्रयत्न सुरू आहेत. 

जिल्ह्यात दिवसभरात 486 रुग्णांनी कोरोनावर मात केल्याने त्यांना घरी सोडण्यात आले. जिल्ह्यात आतापर्यंत 13 हजार 964 रुग्ण कोरोनातून ठणठणीत झाले आहेत. त्याची टक्केवारी 79.37 झाली आहे. दरम्यान, आज दिवसभरात 519 कोरोनाबाधित आढळल्याने बाधितांची संख्या 17 हजार 583 झाली. सध्या रुग्णालयात 3389 रुग्णांवर उपचार सुरू आहेत. 

हेही वाचा - येथे पन्नास वर्षांपासून आहे काँग्रेस नेत्याचे म्ंदिर

जिल्हा रुग्णालयातील तपासणी अहवालात 91 बाधित आढळले. त्यात महापालिका हद्दीत 61, संगमनेर एक, पाथर्डी 12, नगर ग्रामीण 11, श्रीरामपूर एक, कॅन्टोन्मेंट दोन, श्रीगोंदे एक, पारनेर एक व इतर जिल्ह्यातील एकाचा समावेश आहे. 

अँटीजेन चाचणीत जिल्ह्यात 283 बाधित सापडले. त्यात महापालिका हद्दीत 58, संगमनेर 17, राहाता 15, पाथर्डी 17, श्रीरामपूर दोन, कॅन्टोन्मेंट 16, नेवासे 11, श्रीगोंदे 32, पारनेर 8, अकोले 27, शेवगाव तीन, कोपरगाव 40, जामखेड 23 व कर्जतमधील 14 जणांचा समावेश आहे.

खासगी प्रयोगशाळेतील तपासणीत 145 बाधित आढळले. त्यात महापालिका हद्दीत 93, संगमनेर चार, राहाता पाच, पाथर्डी एक, नगर ग्रामीण 14, श्रीरामपूर चार, कॅन्टोन्मेंट एक, नेवासे दोन, पारनेर चार, अकोले एक, राहुरी सहा, कोपरगाव पाच, जामखेड चार व कर्जतमध्ये एकाचा समावेश आहे. 

486 जण बरे 
जिल्ह्यातील 486 रुग्ण बरे होऊन घरी परतले. त्यात महापालिका हद्दीत 171, संगमनेर 39, राहाता 39, पाथर्डी 25, नगर ग्रामीण 20, श्रीरामपूर 11, कॅन्टोन्मेंट 21, नेवासे 14, श्रीगोंदे 16, पारनेर 29, अकोले 13, राहुरी सात, शेवगाव 10, कोपरगाव 35, जामखेड 23, कर्जत आठ व मिलिटरी हॉस्पिटलमधील पाच रुग्णांचा समावेश आहे. 

संपादन - अशोक निंबाळकर