श्रीगोंदे (अहमदनगर) : तालुक्‍यातील हिरडगाव येथील साईकृपा साखर कारखान्याकडे शेतकऱ्यांचे ऊसाचे पेमेंट बाकी आहे. त्यासाठी अनेकदा आंदोलने होऊनही त्याची दखल घेतली गेली नाही. त्यामुळे कारखान्याने थकबाकी दिल्याशिवाय त्यांना गाळपास परवानगी देऊ नये, अशी मागणी पाचपुते गटाचे समर्थक असणारे बाळासाहेब नाहाटा व संभाजी ब्रिगेडचे जिल्हाध्यक्ष टिळक भोस यांनी केली आहे.

शेतकऱ्यांसाठी बाजार खुला, कृषी विभागाने घेतलाय मोठा निर्णय 
 
नाहाटा व भोस यांनी पुण्यातील साखर आयुक्त शेखर गायकवाड यांची भेट घेऊन त्यांना निवेदन दिले. त्यावर साखर आयुक्त गायकवाड यांनी जिल्हाधिकारी डॉ. राजेंद्र भोसले यांच्याशी फोनवर संपर्क साधला. तहसीलदार प्रदीप पवार यांना तातडीने लिलावप्रक्रिया पूर्ण करण्याची सूचना केल्याचा दावा नाहाटा व भोस यांनी केला. 

अहमदनगरच्या बातम्यांसाठी येथे क्लिक करा 

शेतकऱ्यांसह अनेक बॅंकांची साईकृपा कारखान्याकडे थकबाकी आहे. मोठ्या अडचणीतून हा कारखाना आठ दिवसांत सुरू करणार असल्याचे आमदार बबनराव पाचपुते यांनी जाहीर केले होते. मात्र, त्यास या दोघांनी आक्षेप घेतला आहे.