जामखेड (अहमदनगर) : माजीमंत्री राम शिंदे यांच्या चौंडी ग्रामपंचायतीवर आमदार रोहित पवार यांच्या नेतृत्वाखालील पँनलच्या आशाताई सुनील उबाळे यांची सरपंचपदी तर कल्याण रामभाऊ शिंदे यांची उपसरपंचपदी बिनविरोध निवड झाली.
ग्रामपंचायत निवडणुकीत माजी मंत्री राम शिंदें यांच्या पँनलचा पराभव झाला होता. त्यांच्या पँनलला नऊ पैकी केवळ दोन जागा मिळाल्या होत्या तर आमदार रोहित पवारांच्या नेतृत्वाखालील पँनलला सात जागासह निर्विवाद सत्ता मिळाली होती.
दरम्यान मंगळवार (ता.०९) रोजी होणाऱ्या सरपंच-उपसरपंच निवडीत माजी मंत्री शिंदेंकडून काही तरी चमत्कार होईल आणि सरपंच उपसरपंच निवडीत बदल दिसेल, अशी राजकीय चर्चा होती. मात्र, पवारांच्या दुरद्रष्टीमुळे निवडून आलेले सात सदस्य एकसंध राहिले आणि माजी मंत्री शिंदेंचा 'करिष्मा' चालला नाही आणि आमदार पवारांनी येथेही आपले 'वर्चस्व' कायम ठेवले.
ताज्या बातम्यांसाठी डाऊनलोड करा ई-सकाळचे ऍप
सरपंचपदासाठी आशा उबाळे यांचा तर उपसरपंच पदासाठी कल्याण शिंदे या दोघांचा प्रत्येकी एकच अर्ज आल्याने दोन्ही निवडी बिनविरोध झाल्या. सरपंच आशा उबाळे यांचे पती सुनील उबाळे हे आमदार रोहित पवारांचे 'कट्टर ' समर्थक म्हणून ओळखले जातात. विधानसभा निवडणुकीत उबाळे यांनी आमदार पवारांसाठी मोठे परिश्रम घेतले होते. ग्रामपंचायतीच्या निमित्ताने उबाळे व त्यांच्या सहकार्यांच्या माध्यमातून आमदार पवार यांनी चौंडीची सत्ता आपल्या हाती घेऊन माजी मंत्री राम शिंदे यांना येथेही धोबीपछाड दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.