श्रीगोंदे : तालुक्यातील आढळगाव येथील मुकुंद वाकडे खून प्रकरणाचा उलगडा होत आहे. आज पोलिसांनी त्याच गावातील एका जणाला शिताफीने ताब्यात घेतले. ही हत्या नाजूक कारणातूच झाली आहे.

आढळगाव येथील मुकुंद वाकडे या तरुण शेतकऱ्याचा अतिशय निर्दयपणे खून झाला होता. ज्या पद्धतीने हा खून झाला त्यावरून पोलिसांनी तपास फिरवला.

गुन्हे अन्वेषण विभाग व श्रीगोंदा पोलिसांनी शांतपणे हा गुन्ह्याचा तपास हाताळत यातील एक आरोपी ताब्यात घेतला आहे. सद्या ताब्यात घेतलेल्या आरोपीकडून गुन्ह्यात वापरलेल्या वस्तू हस्तगत करण्याचा प्रयत्न पोलिस करीत आहेत.

हेही वाचा -  शिवभोजन थाळीतील भ्रष्टाचाराची पोलखोल

दरम्यान, मयत मुकुंद वाकडे याच्या खून प्रकरणात नेमके किती आरोपी आहेत. याचा शोध लागणार असला तरी या सगळ्या प्रकरणाला नाजूक किनार आहे.

मृत मुकुंदच्या गुप्तांगावरही वार करण्यात आले होते. अनैतिक संबंधाच्या रागातूनच हे हत्याकांड झाल्याचे सूत्रांचे म्हणणे आहे.

पोलिसांनी ताब्यात घेतलेल्या तरूणानेच मुकुंदचा काटा काढला. तो तरूण मकुंदचे पार्थिव उचलताना मदत करायलाही हजर होता. कोणाला संशय येऊ नये म्हणून त्याने हा पवित्रा घेतला असल्याचे समोर येत आहे.

समजून सांग.. कॉल कोणाचा

मुकुंदला समजन सांग, असा कॉल त्या ताब्यात घेतलेल्या तरूणाला आला होता. तो नेमका कोणाचा होता. कोणत्या कारणासाठी समजून सांग, असे म्हणत असावी ती व्यक्ती याबाबत पोलिस तपास करीत आहेत.