संगमनेर ः अपत्य जन्माबाबत वादग्रस्त वक्तव्य केल्याच्या आरोपावरुन कीर्तनकार निवृती महाराज देशमुख इंदुरीकर यांच्याविरोधात आरोग्य विभागाने पीसीपीएनडीटी ( प्रसूतीपूर्व गर्भलिंग निदान कायदा ) कायद्याचा भंग केल्याचा खटला दाखल केला आहे.
या खटल्याचे कामकाज जिल्हा सत्र न्यायालयात सुरु आहे. या खटल्यासंबंधी प्रथम वर्ग न्यायादंडाधिकारी यांच्या कोर्टात सादर केलेली मूळ कागदपत्रे जिल्हा सत्र न्यायालयात सादर करण्याची मागणी करणारा अर्ज अतिरीक्त सरकारी अभियोक्ता अॅड. अरविंद राठोड यांनी दिला होता.
या खटल्याच्या आज झालेल्या कामकाजात इंदुरीकरांचे वकील अॅड. के. डी. धुमाळ यांनी सरकारी पक्षाच्या मागणीप्रमाणे कागदपत्रे जिल्हा सत्र न्यायालयात दाखल केली.
या खटल्याची पुढील सुनावणी बुधवार ( ता. 06 ) जानेवारी 2021 रोजी होणार असल्याची माहिती अतिरीक्त सरकारी अभियोक्ता अॅड. अरविंद राठोड यांनी दिली आहे.
या प्रकरणात महाराष्ट्र अंधश्रद्धा निर्मूलन समितीतर्फे अॅड. रंजना पगार - गवांदे बाजू मांडीत आहेत. लेखी युक्तिवाद सादर करण्याच्या सूचना न्यायालयाने दिल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.