कर्जत (जि.अहमदनगर) : पोलिसांनी वर्षभरापूर्वी पूर्वी हरवलेले दीड लाख किमतीचे १२ मोबाइल शोधून कर्जतकरांना दिले आहेत. अशी माहिती पोलीस निरीक्षक चंद्रशेखर यादव यांनी दिली आहे.

बरोबर एक वर्षापुर्वी कर्जत पोलिस स्टेशन हद्दीत अविनाश बाळासाहेब शिंदे व गोकुळ अंकुश शिंदे, (रा. कर्जत) महादेव संजीवन अगवण, (रा.खेड), राम भगवान महारनवर, (रा. पाटेगाव), राजेंद्र बबन सावंत,(रा. शिरपूर), सोहेल रियाज मुंडे, (रा. राशीन), नवनाथ त्रिंबक मोरे, (रा.खेड) (ता.कर्जत), करण दत्तात्रय चव्हाण, (रा. राशीन), दत्तात्रय मारुती जाधव, (रा.शिंदा), विशाल तानाजी पावणे, (रा. जळकेवाडी), संघपाल संतोष कांबळे, (रा. राशीन) व गणेश गाढवे यांचे मोबाईल हरवले होते. पोलीस निरीक्षक चंद्रशेखर यादव यांच्या मार्गदर्शनाखाली पोलिस पथकातील अधिकारी कर्मचारी यांनी कसोशीने प्रयत्न करून हरवलेले मोबाइल त्यांना परत मिळुन दिले आहेत. याकामी अहमदनगर मोबाईल सेलची त्यांना मदत झाली.

मोबाईल मिळालेले नागरिक आनंदी झाले त्यांनी कर्जत पोलिसांचे आभार मानले आहेत.सदर कारवाई पोलीस अधिक्षक मनोज पाटील, अपर पोलीस अधिक्षक सौरभकुमार अग्रवाल,कर्जत चे उपविभागीय पोलीस अधिकारी आण्णासाहेब जाधव यांचे मार्गदर्शनाखाली पोलीस निरीक्षक चंद्रशेखर यादव , सहाय्यक पोलीस निरीक्षक सुरेश माने, पोलीस श्याम जाधव, अमित बर्डे, पांडुरंग भांडवलकर सुनिल खैरे, नगर मोबाईल सेल चे प्रशांत राठोड यांनी बजावली आहे.

मोबाईल चोरीला गेला अथवा हरवल्यास तात्काळ नजीक च्या पोलीस दुरक्षेत्र अथवा पोलीस स्थानकाशी संपर्क साधा.मोबाईल जपणे गरजेचे आहे सिम कार्डचा गैरवापर होऊ शकतो या बाबत दक्षता घ्यावी - चंद्रशेखर यादव,पोलीस निरीक्षक, कर्जत