पाथर्डी : घरच्यांच्या समाधानासाठी धार्मिक पद्धतीने विवाह केला. मात्र, मनातील निसर्गविवाहाची इच्छा स्वस्थ बसू देत नव्हती. अखेर विचारांचा विजय झाला. नववधू-वराने थेट आनंदवन (मांडवे, ता. पाथर्डी) गाठले.
निसर्गाच्या सानिध्यात दोघांनी वडाभोवती सप्तपदी घेऊन सहजीवनाला प्रांरभ केला. मांडवे येथील प्रा. प्रमोद पवार यांनी 8 जानेवारीला शुभांगी यांच्यासोबत केलेला हा आनंद सोहळा निसर्गप्रेमींनी "याची देही, याची डोळा' अनुभवला.
मांडवे येथील प्रमोद पवार हे गोव्यात प्राध्यापक म्हणून कार्यरत आहेत. पाथर्डी येथील शुभांगी यांच्याशी त्यांचा विवाह ठरला. प्रमोद हे निसर्गप्रेमी असल्याने निसर्गाच्या साक्षीने, मांडवे येथील आनंदवनात विवाह व्हावा, अशी त्यांची इच्छा होती. मात्र, घरचे धार्मिक व रितीरिवाजाप्रमाणे विवाह करण्याच्या बाजूने होते. अखेर पाथर्डीत धार्मिक पद्धतीने हे जोडपे विवाहबद्ध झाले. नंतर नववधू-वरांनी थेट आनंदवन गाठले.
मांडवे येथील वन विभागाच्या जागेत संदीप राठोड व त्यांच्या सहकाऱ्यांनी लोकसहभागातून हे आनंदवन विकसीत केले आहे. आनंदवनातील पुष्प-लतांनी या जोडप्याचे स्वागत केले. वृक्षवेली, फळे-फुले, वन्यप्राण्यांच्या साक्षीने व पक्ष्यांच्या किलबिलाटात प्रमोद व शुभांगी यांनी पुन्हा एकदा वडाभोवती सप्तपदी घेतली. निसर्गाला साक्षी ठेवून एकमेकांना जन्मभर साथ देण्याच्या आणाभाका घेतल्या. अहमदनगर
आम्ही रानावनातील माणसं. शिक्षणामुळे सिमेंटच्या जंगलात पोचलो. मात्र, माझा विवाह निसर्गाच्या सानिध्यात व्हावा, अशी इच्छा होती. नातेवाईक व जन्मदात्यांच्या समाधानासाठी काही गोष्टी कराव्या लागतात. मात्र, आनंदवनातील विवाहसोहळ्यामुळे आनंद झाला.
- प्रमोद पवार, मांडवे, ता. पाथर्डी अहमदनगरसंपादन - अशोक निंबाळकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.