बोटा ः शाळेत क्वारंटाइन व्हावे लागेल म्हणून मुंबई-पुण्यातून लोक यायला घाबरत आहेत. कोरोनाचा संसर्ग टाळता यावा, यासाठी त्यांना क्वॉरंटाईन केले जाते. त्याची काही नागरिकांत भीती निर्माण असताना अशाच क्वारंटाईन झालेल्या काही हातांनी आपल्याच गावातील शाळा पूर्णपणे स्वच्छ करून एक सामाजिक संदेश दिला आहे. विपरित परिस्थितीतही विधायक काम कसे करायचे हे त्यांनी दाखवून दिले.
संगमनेर तालुक्यातील सारोळे पठार या गावात एकवीस जणांना शाळा व आश्रमशाळा यात विभागणी करून क्वारंटाईन केलेले आहे. त्यापैकी जिल्हा परिषदेच्या प्राथमिक शाळेत क्वारंटाईन केलेल्या आठ जणांनी जेवण, कपडे, स्वच्छतागृह अशा तक्रारींना दुय्यम स्थान देत शाळा स्वच्छतेचा प्रस्ताव आपसांत मांडला. उपलब्ध साधनांचा आधार घेऊन त्यांनी शाळेचा परिसर स्वच्छ करण्यास सुरवात केली. झाडांना वाफे बनविले, टाकीचा परिसर स्वच्छ करणे, कंपोस्ट खत तयार करणे, अशी कामे करत या आठ जणांनी शाळेत छोटीशी बागही फुलविली आहे.
आम्ही या शाळेत शिकलो. व्यावसायिक झालो. क्वारंटाईनमुळे नकळत आम्हाला या ज्ञानमंदिराच्या स्वच्छतेचे पाईक होण्याची संधी मिळाली, असे एका जणाने सांगितले. त्यांची उमेद पाहून कोरोना ग्रामसुरक्षा समितीनेही ठिबक सिंचनाचे आणि स्वच्छतेसाठी गरजेचे असलेले साहित्य त्यांनी पुरविले आणि या सर्वांच्या चहा-पाण्याची व्यवस्था केली. पाणी व्यवस्थेमुळे शाळेचा परिसर स्वच्छ व हिरवागार झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.