राहुरी : देवळाली प्रवरा परिसरातील एका गावात घरात घुसून २१ वर्षीय विवाहितेवर अत्याचार केल्याप्रकरणी एकाविरुद्ध राहुरी पोलिस ठाण्यात गुन्हा नोंदविण्यात आला आहे.

सुजित भाऊसाहेब लोंढे (रा. नरसाळी, ता. श्रीरामपूर) असे आरोपीचे नाव आहे. घटनेनंतर आरोपी फरार झाला आहे. पोलिस शोध घेत आहेत. पीडितेने दिलेल्या फिर्यादीत म्हटले आहे, की बुधवारी (ता.‌ १७) सकाळी साडेअकरा वाजता घरात एकटी असताना आरोपी लोंढे घरात घुसला.‌ त्याने दारू प्यायलेली होती. आरडाओरड केल्यावर त्याने तोंड दाबले.

तुझे लग्नापूर्वीचे फोटो तुझ्या वडिलांना दाखवीन, अशी धमकी देऊन बळजबरीने अत्याचार केला. दरम्यान, पती घरात येताच आरोपी पळून गेला.‌ पतीला घटना सांगितली, असेही फिर्यादीत म्हटले आहे. तपास पोलिस उपनिरीक्षक चारुदत्त खोंडे करीत आहेत.