संगमनेर (अहमदनगर) : 21 व्या शतकातील विकास व आधुनिकतेचा मंत्र असणार्या विज्ञान आणि तंत्रज्ञान क्षेत्रामधील भारतीयांची कामगिरी आज जागतिक पातळीवर अभिमानास्पद ठरली आहे. भारताची एकात्मता व अखंडतेसाठी बलिदान देणारे दिवंगत काँग्रेस नेते राजीव गांधी हे या विज्ञान व तंत्रज्ञान क्रांतीचे जनक असल्याचे प्रतिपादन आमदार डॉ. सुधीर तांबे यांनी केले.
काँग्रेसचे प्रदेशाध्यक्ष व महसूलमंत्री बाळासाहेब थोरात यांच्या यशोधन संपर्क कार्यालयात संगमनेर शहर व तालुका काँग्रेस कमिटीच्यावतीने दिवंगत पंतप्रधान राजीव गांधी यांच्या जयंती कार्यक्रमात ते बोलत होते.
ते म्हणाले, तरुणांचे आशास्थान असलेल्या राजीव गांधींनी त्यांना विधायक व रचनात्मक कार्यात प्रेरित करण्याचे महान कार्य केले. भारताला स्वयंपुर्ण व स्वावलंबी बनविण्यासाठी विज्ञान व तंत्रज्ञान आणि आधुनिकीकरणाची जोड त्यांनी दिली. दिली पाहिजे. सर्वधर्म समभाव, राष्ट्रीय एकात्मता वाढीस लावण्यासाठी आपण सर्वांनी जाती, पंथ आणि धर्माच्या पलीकडे जावुन कार्य केले पाहिजे.
त्यांचे विचार अंमलात आणून समृध्द व विकसित देश निर्माण करण्यासाठी युवकांनी योगदान देण्याचे आवाहन त्यांनी केले. या प्रसंगी नगराध्यक्षा दुर्गा तांबे, कारखान्याचे अध्यक्ष बाबा ओहोळ, अजय फटांगरे, नवनाथ अरगडे, सुभाष सांगळे, अॅड.अशोक हजारे, प्रा.बाबा खरात आदींसह काँग्रेसचे पदाधिकारी व युवक कार्यकर्ते मोठ्या संख्येने उपस्थित होते.
संपादन : अशोक मुरुमकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.