श्रीरामपूर (अहमदनगर) : येथील एसटी आगारातुन विविध ठिकाणासाठी 33 एसटी बसेस सुरु करण्यात आल्या आहेत. कोरोनाच्या पार्श्वभूमीवर पाच महिन्यांपासून एसटीचे चाक रुतले होते. लॉकडाउन शिथीलतेनंतर नियम आणि अटी घालुन एसटी सुरु झाली.
कोरोनाच्या धास्तीमुळे त्यास प्रवाशांचा फारसा प्रतिसाद मिळाला नाही. आता सरकाने नियम आणि अटी घालुन एसटी पुर्णपणे सुरळीत सुरु करण्याच्या सुचना दिल्यानंतर एसटी रस्त्यावर धावताना दिसत आहे. त्यासाठी विशेष खबरदारी घेतली जात आहे. आगरातुन एसटी बस प्रवासासाठी जाण्यापूर्वी सॅनिटाईज करण्यात येते. प्रवाश्यांना विविध सुचना दिल्या जातात. येथील एसटी आगारातुन पुणे येथे जाण्यासाठी सकाळी सहा, साडेआठ वाजता आणि दहा वाजता एसटी सुरु करण्यात आली आहे.
नगरला जाण्यासाठी सात वाजता, सव्वाआठ वाजता, साडेदहा वाजता, बारा वाजता, दिड वाजता, सव्वातीन वाजता, पाच वाजता आणि सहा वाजता एसटी जाणार आहे. कोपरगावला जाण्यासाठी आठ वाजता, दहा वाजता, साडेआकरा वाजता, बारा आणि साडेपाच वाजता एसटी सोडण्यात येत आहे. तर औरंगाबादला जाण्यासाठी नऊ, बारा, साडेबारा वाजता एसटी जाणार आहे. नाशिकला जाण्यासाठी दहा, साडेआकरा आणि सव्वाबारा वाजता एसटी सुटणार आहे.
तसेच जालना येथे जाण्यासाठी सव्वातीन वाजता एसटी आहे. वैजापूर येथे जाण्यासाठी दहा वाजता, सव्वाबारा वाजता, दोन व चार वाजता तर गंगापूर येथे जाण्यासाठी दहा वाजता, साडेबारा वाजता आणि चार वाजता एसटी असल्याची माहिती आगार प्रमुख राकेश शिवदे यांनी सांगितली. प्रवाशांनी सोशल डिस्टस्निच्या नियमांचे पालन करुन एसटी प्रवास करुन प्रशासनाला सहकार्य करावे, असे आवाहन एसटी आगाराच्यावतीने करण्यात आले आहे.
संपादन : अशोक मुरुमकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.