नगर ः ""कर्जदाराचे निधन झाल्यानंतर ते वसूल केले जात आहे. मात्र, प्राथमिक शिक्षक बॅंक कर्जदाराचे कर्ज माफ करून त्यांना आर्थिक मदत करीत आहे. राज्यातील नव्हे, तर देशातील ही अशी पहिलीच बॅंक आहे,'' असे प्रतिपादन शिक्षक भारती संघटनेचे संस्थापक तथा आमदार कपिल पाटील यांनी केले.
शिक्षक भारती संघटनेचे उपाध्यक्ष तथा शिक्षक रतन साळवे यांचे नुकतेच निधन झाले. त्यांना श्रद्धांजली वाहण्यासाठी प्राथमिक शिक्षक बॅंकेच्या सभागृहात आयोजित शोकसभेत पाटील बोलत होते.
या प्रसंगी रतन साळवे यांच्या कुटुंबीयांना प्राथमिक शिक्षक बॅंकेकडून 15 लाखांच्या, तर मित्रपरिवार, "शिक्षक भारती' व जिल्ह्यातील शिक्षकांनी जमा केलेल्या मदतीच्या धनादेशाचे वितरण आमदार कपिल पाटील यांच्या हस्ते करण्यात आले.
या वेळी बापूसाहेब तांबे, शरद सुद्रिक, बॅंकेचे अध्यक्ष राजू रहाणे, "शिक्षक भारती'चे सुनील गाडगे, सरपंच आप्पासाहेब शिंदे, दत्ता कुलट, दिलीप मुरदारे आदी उपस्थित होते. पत्रकार चांद शेख यांनी सूत्रसंचालन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.