Shirdi Lok Sabha 2024: मतदारसंघाच्या फेररचनेनंतर शिर्डी हा नवा लोकसभा मतदार संघ हा २००९ मध्ये स्थापन झाला व राखीव झाला. या निवडणुकीत शिवसेनेच्या भाऊसाहेब वाकचौरे यांनी रामदास आठवले यांचा पराभव केला. त्यानंतर वाकचौरे कॉँग्रेसवासी झाले व लोकसभा कॉँग्रेसकडून लढविली. मात्र सदाशिव लोखंडे यांनी त्यांचा पराभव करून शिवसेनेचे वर्चस्व कायम ठेवले. २०१९ च्या निवडणुकीवेळी राजकीय समिकरणे बदलली.महसूलमंत्री राधाकृष्ण विखे पाटील हे भाजपत आले. या निवडणुकीत लोखंडे पुन्हा शिवसेनेकडून विजयी झाले.

२०१९ चे चित्र

खासदार सदाशिव लोखंडे (शिवसेना, विजयी) मते : ४,८६,८२०

भाऊसाहेब कांबळे (काँग्रेस, पराभूत) मते : ३,६६,६२५

संजय सुखदान (वंचित बहुजन आघाडी) मते : ६३,२८७

ॲड.बन्सी सातपुते (सीपीआय) मते : २०,३००

विजयी उमेदवाराचे मताधिक्य- १,२०,१९५

वर्चस्व

२००४ : ----

२००९ : शिवसेना

२०१४ : शिवसेना

२०१९ : शिवसेना

सद्य:स्थिती

शिवसेनेचे गेल्या सलग तीन निवडणुकांपासून वर्चस्व

शिवसेनेकडून (शिंदे गट) विद्यमान खासदार सदाशिव लोखंडे यांना पुन्हा उमेदवारी

ठाकरे गटाकडून भाऊसाहेब वाकचौरे यांना उमेदवारीची शक्यता.

शिंदे गटाची भाजप नेते व मंत्री राधाकृष्ण विखे पाटील यांच्यावर भिस्त.

ठाकरे सेनेच्या उमेदवाराची काँग्रेसनेते बाळासाहेब थोरात यांच्यावर भिस्त

हे मुद्दे प्रभावी ठरणार

शिर्डी ते नगर महामार्गाचे रखडलेले काम

निळवंडे धरणाच्या कालव्यांचे काम जलद गतीने करण्याचे आव्हान

गोदावरी कालव्यांचे नुतनीकरण

पश्चिमेचे पावसाचे पाणी पूर्वेला वळवून गोदावरी खोऱ्यातील पाण्याची तूट भरून काढणे

शिर्डीच्या विकासाचा मंदावलेला वेग