नगर : अहमदनगर जिल्हा परिषदेचे मुख्य कार्यकारी अधिकारी शिवराज पाटील यांची नवी मुंबईत "सिडको'च्या व्यवस्थापकीय संचालकपदी बदली झाली आहे. मागील आठ दिवसांपासून त्यांच्या बदलीची चर्चा होती. बदलीचा आदेश प्रशासनाला आज प्राप्त झाला. त्यांच्या जागी अद्याप कोणाची नियुक्ती झालेली नाही.
नगर जिल्हा परिषदेचे मुख्य कार्यकारी अधिकारी म्हणून सूत्रे हाती घेतल्यानंतर शिवराज पाटील यांनी जिल्ह्यातील सर्व प्राथमिक आरोग्य केंद्रे व उपकेंद्रांसह शाळांना भेटी देऊन पाहणी केली.
जिल्हा परिषदेच्या मालकीच्या जागांवर अनेक ठिकाणी अतिक्रमण असल्याचे लक्षात आल्यानंतर त्यांनी अतिक्रमणे हटवून सर्व जागा पुन्हा जिल्हा परिषदेच्या नावावर करण्यासाठी विशेष लक्ष दिले. जिल्हा परिषदेच्या जुन्या वास्तूला गतवैभवासाठी निधी आणण्याकरिता प्रयत्न केले. त्याचबरोबर जिल्हा परिषदेच्या विश्रामगृहांना गतवैभव प्राप्त करून देण्यासाठीही त्यांनी विशेष लक्ष घातले होते. कर्मचाऱ्यांच्या ऑनलाइन बदल्या करून त्यांनी राज्यात नवा आदर्श निर्माण केला.
ग्रामीण भागात सार्वजनिक ठिकाणी थुंकणाऱ्यांवर ग्रामपंचायतींना कारवाई करता यावी, यासाठी ग्रामपंचायत कायद्याच्या उपविधीत दुरुस्ती करण्यासाठी विशेष प्रयत्न केले. जिल्ह्यात कोरोनाची परिस्थिती हाताळताना यशस्वी भूमिका निभावून, स्वतःही कोरोनाविरोधात यशस्वी लढा देत त्याला हरविले.
संपादन : अशोक मुरुमकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.