टाकळी ढोकेश्वर : राजकारणामध्ये माणसामाणसामध्ये काही कारण नसताना कटुता निर्माण होते. गावागावात गट निर्माण होतात. त्यामुळे व्यक्तीदोष तयार होतो. म्हणून राजकारणापेक्षा समाजकारण केव्हाही चांगले, त्यास सातत्याने आम्ही प्राधान्य देत आहोत, असे प्रतिपादन जिल्हा परिषदेचे माजी उपाध्यक्ष सुजित झावरे यांनी केले.

खडकवाडी (ता.पारनेर) येथील जिल्हा परीषद लघुपाटबंधारे विभागातील सर्वात उंचीचा असणारा लेंडी ओढा बंधा-यातील पाण्याचे पूजन, गावठाण चौक व शाळा परीसर पेव्हिंग ब्लॉक बसविणे, वाकचौरे दुकान ते गागरे गल्ली, भिल्ल वस्ती रस्ता सिमेंटीकरण करणे, बोरवाक शाळा शौचालय व पाणीपुरवठा वितरण योजना यांसह अन्य विकासकामांचा शुभारंभ झावरे यांच्या हस्ते झाला. त्यावेळी ते बोलत होते.

हेही वाचा - मिसा बंधूंची पेन्शन काँग्रेसच्या दबावामुळेच रद्द

यावेळी अमोल साळवे, किसन धुमाळ, मोहन रोकडे, चिमाजी चिकणे, मारुती आग्रे उपस्थित होते. 

झावरे म्हणाले, या गावासाठी जिल्हा परिषदेच्या माध्यमातून आरोग्य केंद्र, पशुवैद्यकीय दवाखाना, बंधारे समाजकल्याण विभागामार्फत रस्ते सिमेंटीकरण, स्टेट लाईट, वैयक्तिक लाभाच्या योजना, आदिवासी विभागामार्फत अनेक विकासकामे झाली. 

संपादन - अशोक निंबाळकर