श्रीरामपूर (अहमदनगर) : राज्य सरकारच्या सूचनेनुसार माध्यमिक शिक्षकांच्या कोरोना चाचण्या करण्यात येत आहेत. दरम्यान, शनिवारी घेतलेल्या तपासणीत तालुक्यातील तीन शिक्षक बाधित आढळून आले.
तालुक्यातील उक्कलगाव, अशोकनगरसह कोपरगाव येथील प्रत्येकी एका शिक्षकाचा त्यांत समावेश आहे, अशी माहिती तालुका आरोग्य अधिकारी डॉ. मोहन शिंदे यांनी दिली. तालुक्यात सध्या 37 कोरोनाबाधित असून, ग्रामीण रुग्णालयात त्यांच्यावर उपचार सुरू आहेत.
हेही वाचा : पोलिसांनी जप्त करायला दिलेल्या गो-मांसाची महापालिका कर्मचाऱ्यांकडून परस्पर विक्री
येत्या सोमवारपासून (ता. 23) नववी ते बारावीचे वर्ग सुरू होत आहेत. या पार्श्वभूमीवर तालुक्यातील 350 शिक्षकांची कोरोना चाचणी करण्यात आली. तालुक्यात 800हून अधिक शिक्षकांच्या तपासणीचे उद्दिष्ट ठेवले आहे. मात्र, आरटीपीसीआर तपासणीसाठी रोज केवळ 50 किट उपलब्ध होत असल्याने, या चाचण्या लांबल्या आहेत.
आरोग्य विभागाने बुधवारपासून (ता. 18) शिक्षकांच्या कोरोना तपासण्या सुरू केल्या. त्यासाठी 200 किटची मागणी केली असली, तरी रोज केवळ 50 तपासणी किट उपलब्ध होत आहेत. शिरसगाव येथील डॉ. आंबेडकर वसतिगृहामध्ये आज 80 आरटीपीसीआर, तर 64 रॅपिड, अशा एकूण 144 जणांची चाचणी झाली. त्यात पाच बाधित आढळले. आरोग्य विभागाने तालुक्यातील 350 शिक्षकांच्या कोरोना तपासण्या केल्या असून, त्यांत तीन शिक्षक बाधित आढळले.
संपादन : अशोक मुरुमकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.