नगर ः नाशिक विभागातील तहसीलदारांच्या नव्या नियुक्तीचे आदेश जारी करण्यात आले आहे. त्यानुसार शेवगावच्या तहसीलदारपदी अर्चना भाकड-पागिरे यांची, तर कर्जत तहसीलदारपदी नानासाहेब आगळे यांची नियुक्ती करण्यात आली आहे.
भाकड यांनी जिल्हा प्रशासनात नायब तहसीलदार म्हणून पूर्वी कामकाज केले होते.
नायब तहसीलदार पदावरून तहसीलदारपदी पदोन्नती मिळाल्यानंतर त्या नाशिक जिल्ह्यातील इगतपुरी येथे तहसीलदार म्हणून कार्यरत होत्या. आता त्यांची नियुक्ती शेवगाव तहसीलदारपदी करण्यात आली आहे.
हेही वाचा - आदिवासी पाड्यातही शिरला कोरोना
या सोबतच कर्जत येथे नानासाहेब आगळे यांची तहसीलदार म्हणून नियुक्ती करण्यात आली आहे. तेथे तहसीलदार म्हणून कार्यरत असलेल्या छगन वाघ यांची बदली करण्यात आली आहे. मात्र, त्यांना नियुक्तीचे स्थान दिले नाही. त्यांच्या कामाविषयी कर्जत तालुक्यात नाराजी होती. या सोबतच नाशिक विभागातील नायब तहसीलदारांना तहसीलदारपदी पदोन्नती देण्यात आली आहे. यात राहाता तहसील कार्यालयात नायब तहसीलदार असलेल्या सचिन म्हस्के यांना तहसीलदारपदी पदोन्नती मिळाली आहे. त्यांची नेमणूक नंदूरबार येथील अक्कलकुवा येथे करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.