नगर ः वरिष्ठ राज्यस्तरीय गादी व माती अजिंक्‍यपद कुस्ती स्पर्धा (अधिवेशन) व महाराष्ट्र केसरी किताब लढत 2020-21 स्पर्धेसाठी नगर शहर तालीम सेवा संघातर्फे सर्जेपुरा येथील छबू पैलवान तालीम येथे शहराची निवड चाचणी घेण्यात आली. यावेळी रंगतदार कुस्त्यांचे सामने रंगले होते. 

माजी नगरसेवक संभाजी लोंढे यांच्या हस्ते आखाड्याचे पूजन करुन स्पर्धेस प्रारंभ करण्यात आला. यावेळी जिल्हा तालीम संघाचे अध्यक्ष वैभव लांडगे, नाना डोंगरे, उपमहाराष्ट्र केसरी अनिल गुंजाळ, विलास चव्हाण, नगर शहर तालीम संघाचे अध्यक्ष नामदेव लंगोटे, सुनील भिंगारे आदी उपस्थित होते. 

हेही वाचा - नव्या महापौरांसमोर मोठी आव्हाने

गादी विभागात सौरभ जाधव, कौस्तुभ आंबेकर, लक्ष्मण धनगर, चैतन्य शेळके, विशाल मेहेत्रे, हृषीकेश लांडे, राहुल ताकवणे, युवराज खैरे, माती विभागासाठी करण मिसाळ, निखील शिंदे, किरण धनगर, बंटी साबळे, मयुर जपे, आदेश डोईजड, तर महाराष्ट्र केसरी गटासाठी तुषार अरुण (माती) व महेश लोंढे (गादी) हे मल्ल जिल्हा निवडचाचणीसाठी पात्र ठरले आहेत. पंच म्हणून संभाजी निकाळजे, नाना डोंगरे यांनी काम पाहिले.