नेवासे : तालुक्यातील एका गावात रात्रीच्या वेळी घराबाहेर आलेल्या मुलीचे तोंड कापडाने दाबून, तिला जबरदस्तीने दुचाकीवर पळवून नेल्याप्रकरणी नेवासे पोलिसांनी दोघांविरुद्ध अपहरण व विनयभंगाचा गुन्हा दाखल केला. त्यातील एकास पोलिसांनी अटक केली.
रितेश पूनमचंद साळवे (वय 22, रा. मक्तापूर, ता. नेवासे) असे त्याचे नाव आहे. त्याचा मित्र घटनेनंतर पसार झाला. या बाबत पीडित मुलीने पोलिसांत फिर्याद दिली. त्यानुसार, रविवारी (ता. 3) रात्री साडेआठच्या सुमारास मुलगी घराबाहेर आलेली असताना, संशयित आरोपी रितेश साळवे व त्याचा मित्र तेथे आले.
कापडाने मुलीचे तोंड दाबून तिला दुचाकीवर बसवून मक्तापूर शिवारातील पाटाकडे नेले. तेथे तिच्यावर बळजबरी करू लागले. तिचे फोटो काढून, हा प्रकार कोणाला सांगितल्यास बदनामी करण्याची धमकी दिली. याबाबत नेवासे पोलिसांनी साळवे यास अटक केली असून, त्याच्या जोडीदाराचा शोध सुरू आहे.
अल्पवयीन मुलीला पळविले
नेवासे तालुक्यातील आणखी एका गावात, पहाटे घराबाहेर गेलेली 17 वर्षीय मुलगी बेपत्ता झाली. घरच्यांनी सर्वत्र शोध घेतला; मात्र ती सापडली नाही. याबाबत मुलीच्या वडिलांनी नेवासे पोलिसांत फिर्याद दिली आहे. फूस लावून कोणीतरी मुलीला पळवून नेल्याचे फिर्यादीत म्हटले असून, पोलिसांनी अज्ञात व्यक्तीविरुद्ध गुन्हा दाखल केला.
अहमदनगर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.