अकोले : डीजे, फटाके, मानपान, पुढाऱ्यांचे आशीर्वाद, नातेवाईक व मित्रपरिवाराची मोठी गर्दी, भोजन, अशी रेलचेल लग्नसमारंभांत पुन्हा दिसू लागली आहे.
विवाहाची मोठी तिथी असल्याने आज सर्वच मंगल कार्यालयांत मोठी गर्दी होती. उमेदवारांनी प्रत्येक विवाहाला आवर्जून हजेरी लावली. त्यामुळे नमस्कार घालणारे "भावी सरपंच'च लग्नाच्या वरातीत दिसले. बहुतेक लग्नसमारंभांत अचानक "हायफाय वऱ्हाडी' अवतरले.
कोरोनामुळे जिवाच्या भीतीने आठ महिने घराबाहेर न पडलेले आज लग्नसमारंभात मोठी गर्दी करताना दिसत आहेत. पुरुष, महिला, मुले, मुली लग्नसमारंभात सहभागी होताना, काही घडलेच नाही, या आवेशाने एकमेकांच्या गळ्यात गळे घालून डीजेच्या नादावर थिरकत आहेत.
मास्क "टाय'सारखे तोंडाला अडकवत, तोंड उघडे ठेवून गप्पांच्या मैफलीही रंगत आहेत. प्रशासन निवडणुकीच्या कामात व्यग्र असून, पुढारी आशीर्वाद देण्यासाठी आपल्या वाहनांचे ताफे व कार्यकर्त्यांची फौज घेऊनच लग्नात चमकू लागले आहेत.
आशीर्वाद दिल्यानंतर व लग्न लागल्यावर भोजनाचा आस्वाद घेण्यासाठीही गर्दी होताना दिसत आहे. लग्नसमारंभांत उमेदवार व त्यांचे हितचिंतक निवडणुकीचा प्रचारही करताना दिसत होते. त्यामुळे डीजेवाला, केटरर, मेक-अप आर्टिस्ट, मंगल कार्यालयांचे संचालक असे सर्वच आनंदित आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.