जामखेड (अहमदनगर) : कोल्हेवाडी (ता.जामखेड) येथे मळणी यंत्राखाली पडलेले भुस्कट काढण्यासाठी खाली वाकलेल्या सिंधुबाई बजरंग कोल्हे          ( वय -४२) या शेतकरी महिलेचे मळणी यंत्रात अडकून मृत्यू झाला. ही घटना शुक्रवारी (ता. २६) रोजी सायंकाळी पाचच्या सुमारास घडली. त्यामुळे सर्वत्र सुगीचे काम मोठ्या प्रमाणात सुरु असून साकत परिसरातही मोठय़ा प्रमाणावर सुगीचे काम सुरू आहे. मजुर मिळत नाहीत. त्यामुळे घरातील लोक सुगीच्या कामासाठी झटत आसतात.

सोनईतून बेपत्ता झालेल्या दोन अल्पवयीन मुली भगवानगड परिसरात सापडल्या

कोल्हेवाडी येथे बजरंग कोल्हे यांच्या शेतात ज्वारीचे खळे सुरू होते. कुटुंबातील लोक मळण यंत्रावर काम करत होते. खळे संपत आले असताना मळण यंत्राखाली पडलेले भुसकट काढण्यासाठी सिंधुबाई कोल्हे या वाकून भुसकट काढत होत्या. त्यावेळी ट्रॅक्टर व मळण यंत्र ज्या ठिकाणी जोडले जाते त्या शाप्टमध्ये सिंधुबाई यांच्या साडीचा पदर अडकला व शाप्टसोबत त्यांच्या शरीराचा भागही गुंतला. डोके ही मळणी यंत्रात अडकले काही समजण्याच्या आत ही दुर्घटना घडली. यात त्यांचा दुर्दैवी मृत्यू झाला.

ताज्या बातम्यांसाठी डाऊनलोड करा ई-सकाळचे ऍप 

सिंधुबाई कोल्हे यांच्या मागे पती, दोन मुले, सुन व नातवंडे असा परिवार आहे. ही घटना समजताच साकत व कोल्हेवाडी परिसरात हळहळ व्यक्त केली जात आहे. सध्या सुगीची धामधूम सुरू आहे. तेव्हा सर्व शेतकऱ्यांनी काळजी घ्यावी, गडबडीत वाईट घटना घडतात. तेव्हा मळण यंत्र हाताळताना काळजी घ्यावी असे आवाहन करण्यात आले आहे.