अकोला : कोविडमुळे मृत्यूमुखी (corona death)पडलेल्या रुग्णांच्या नातेवाईकांना शासकीय सानुग्रह अनुदान (governemnt grants help ) मिळावी यासाठी केलेले ९५० अर्ज मंजुर करण्यात आले आहेत. त्यामुळे कोविड बळींच्या नातेवाईकांना शासकीय मदत मिळण्याचा मार्ग प्रशस्त झाला आहे. सदर अर्जातील त्रुटी व पुरेशे कागदपत्र संबंधितांच्या नातेवाईकांनी जोडावे यासाठी जिल्हा प्रशासनाकडून पाठपुरावा करण्यात आला होता.

जिल्ह्यातील सर्वच नागरिकांसह प्रशासकीय यंत्रणात गत दोन वर्षांपासून कोरोना विषाणूचा सामना करत आहेत. संसर्गामुळे अनेकांनी आपल्या जवळच्या लोकांना गमावले. तसेच आजारावरही अनेकांचा प्रचंड खर्च झाला. त्यामुळे कोरोना मृतांच्या कुटुंबांना आर्थिक मदत देण्याचा निर्णय राज्य सरकारने घेतला. जिल्ह्यात अनुदान वितरीत करण्याची प्रक्रिया शासन स्तरावरुन सुरू झाली आहे.

जिल्हा आपत्ती व्यवस्थापन प्राधिकरणाकडून(District Disaster Management Authority) शासन निर्णयानुसार अंतिमतः मंजूर करण्यात आलेल्या अर्जानुसार, अर्जदाराच्या आधार संलग्नित बॅंक खात्यात ५० हजार रुपये सानुग्रह सहाय्य निधी जमा हाेणार आहे. त्यामुळे सदर अनुदानासाठी गत दोन-तीन आठवड्यापूर्वी जिल्ह्यातील ६०० जणांनी अर्ज केले होते. परंतु संबंधित अर्जांसाठी नातेवाईकांनी योग्य कागदपत्र न लावल्याने त्यांचे अर्ज मंजुर करण्यास विलंब होत होता. दरम्यान जिल्हा प्रशासनाकडून (akola district administration)आतापर्यंत जिल्ह्यातून ९५० कोविड बळींच्या(covid death) वारसांचे अर्ज मंजुर करुन शासनाकडे पाठवले आहेत.