उंबर्डा बाजार : दिवाळीत झेंडू फुलांची मागणी वाढली आहे. मात्र पावसाचा फटका बसल्याने बाजारात दर्जेदार मालाची आवक मंदावली आहे. परिणामी, झेंडूच्या फुलांचे दर गेल्या काही दिवसांपासून चढेच असून, किरकोळ बाजारात किमान ८० ते १४० रुपये किलो दराने विक्री होत आहे.

कारंजा तालुक्यातील अनेक शेतकरी फुलशेतीकडे वळत आहेत. सध्या तालुक्यातील अनेक गावांमध्ये हा बदल जाणवत आहे. यावर्षी पावसामुळे फुलशेतीचे मोठे नुकसान झाले. दसरा ते दिवाळी हा हंगाम लांबल्याने शेतकऱ्यांना आता हंगामानंतरही दर मिळेल काय असा प्रश्न निर्माण झाला आहे.