अकोला : ई-रक्तकोष तसेच राज्य रक्त संक्रमण परिषदेच्या संकेतस्थळावर उपलब्ध रक्तसाठ्याची नियमित माहिती अद्ययावत न केल्याप्रकरणी जिल्हा स्त्री रुग्णालयातील रक्तपेढीवर दोन हजार रुपयांची दंडात्मक कारवाई करण्यात आल्याची माहिती समोर आली आहे.

ही कारवाई राज्य रक्त संक्रमण परिषदेतर्फे करण्यात आली. सर्व सामान्य नागरिकांना रक्तपेढ्यांमधील रक्तसाठ्याविषयी अद्ययावत व सहज माहिती उपलब्ध व्हावी, या उद्देशाने केंद्र सरकारने ई-रक्तकोष या संकेतस्थळावर रक्तसाठ्या- विषयी दररोज माहिती अद्ययावत करण्याचे निर्देश दिले आहेत.

हेही वाचा -अनाथ अनुराधाचे सुख नियतिलाही पहावले नाही!

राज्य रक्त संक्रमण परिषदेमार्फत देखील रक्तसाठ्याविषयी व इतर माहिती राज्य रक्त संक्रमण परिषदेच्या संकेतस्थळावर अद्ययावत करण्यासंदर्भात निर्देशित केले आहे. यासंदर्भात वारंवार सूचना देऊनही जिल्हा स्त्री रुग्णालयातील रक्तपेढीमार्फत आवश्यक माहिती अद्ययावत झाली नाही.

हेही वाचा -अवघे गाव रडले, मुलाच्या मृत्यूनंतर आईनेही सोडले प्राण; मकरसंक्रांतीलाच गावावर शोककळा

त्यामुळे राज्य रक्त संक्रमण परिषदेतर्फे रक्तपेढीवर दोन हजार रुपयांची दंडात्मक कारवाई करण्यात आली आहे.

(संपादन - विवेक मेतकर)

हेही वाचा -

• आज्जीबाईने वयाच्या सत्तरीतही कोरले इंडिया बुक ऑफ रेकॉर्डमध्ये नाव
   
• ‘पाचवी ते आठवी’चे वर्ग सुरू होणार, पालकात अजूनही संभ्रम
   
• तापमान वाढीचे अन् फेब्रुवारीत वादळी पावसाचे संकेतआजपासून

• जिल्हा बँकेसाठी २० फेब्रुवारीला मतदान, अर्ज भरण्याची प्रक्रिया सुरू; सहकार क्षेत्रातील राजकीय घडामोडींना वेग