अकोला  ः कोरोनामुळे बंद झालेला शेळ्या-मेंढ्या, जनावरांचा बाजार सुरू करण्यासाठी आयुक्त सचिंद्र प्रताप सिंह यांनी हिरवी झेंडी दिली असून, त्याबाबतचे पत्र राज्यातील सर्व जिल्हाधिकाऱ्यांना पाठविण्यात आले आहे. जनावरांचा बाजार सुरू करण्याबाबत शेतकरी जागर मंचचे कृष्णा अंधारे व मनोज तायडे यांनी उपमुख्यमंत्री अजीत पवार यांचेकडे मागणी केली होती.

त्यांच्या मागणीला यश आले असून, निश्‍चितच ही बाब राज्यभरातील पशुपालकांसाठी दिलासा देणारी ठरणार आहे. राज्यातील शेळ्या-मेंढ्या व जनावरांचे बाजार बंद असल्यामुळे शेतकरी व शेतमजुरांचे आर्थिक व्यवहार विस्कळीत झाले आहेत.

• काडं झालेत हाडाचे, पाट घामाचा वाहिला, बोंड बोंड वेचताना, ढीग कापसाचा झाला

त्यामुळे त्यांना गरजेपोटी गावतच कमी किमतीत शेळ्या व जनावरे विकावे लागत असून, त्याचा मोठा आर्थिक फटका शेतकऱ्यांना भरावा लागतो. त्यामुळे हे बाजार तत्काळ सुरू करण्यात यावेत तसेच हरभरा व तुरीचे नाफेडकडील चुकारे अदा करण्याचे निर्देश देण्यात यावे, अशी मागणी शेतकरी जागर मंचचे संयोजक कृष्णा अंधारे व मनोज तायडे यांनी ५ ऑक्टोबर रोजी उपमुख्यमंत्री अजीत पवार यांचेकडे केली होती.

•  दोन लेकरं...दोन कुटुंब...पालकांना अडणावही माहित नाही अन् खुलं झालं शिक्षणाचं रंगीत आकाश 

महाराष्ट्र राज्य धनगर समाजोन्नती मंडळातर्फे सुद्धा जनावरांचा बाजार सुरू करण्याची मागणी शासनाकडे केली होती. त्यानुसार कृषी उत्पन्न बाजार समित्यांमध्ये अंतर्भूत असणारे शेळ्या-मेंढ्यांचे बाजार राज्यातील सार्वजनिक ठिकाणी जमावबंदी, बाहेर वावराताना फेसमास्कचा वापर करणे, समाजिक अंतर ठेवणे, सॅनिटायझरचा वापर करणे, सार्वजनिक ठिकाणी न थंकणे, धुम्रपान न करणे, मद्यपान न करणे, तंबाखू न खाने, वयक्तिक स्वच्छता इत्यादी बाबींचे पालन करून सुरू करण्यास हरकत नसल्याचे आयुक्त सचिंद्र प्रताप सिंह यांनी सर्व जिल्हाधिकाऱ्यांना पत्राद्वारे कळविले आहे.

• आता मुंबई, पुणे कुठेही जा!

त्यामुळे लवकर राज्यात शेळ्या-मेंढ्या व जनावरांचे बाजार सुरू होणार असून, त्याचा शेतकऱ्यांना मोठा दिलास मिळणार आहे.

(संपादन - विवेक मेतकर)