कुरणखेड (जि.अकोला) :  नागरिकांकडून वसुली थकीत असल्याने ग्रामविकास अधिकारी व कर्मचाऱ्यांनी शक्कल लढवून संबंधित नागरिकांच्या घरी जाऊन त्यांना पुष्पगुच्छ देऊन त्यांना कर भरण्यासाठी सूचना केल्या.

त्यांच्या या उपक्रमाला स्थानिक नागरिकांनीही ग्रामपंचायत प्रशासक व ग्राविकास अधिकाऱ्यांना कर भरूण चांगला प्रतिसाद दिला.

येथील ग्रामपंचायतचा कारभार प्रशासक डॉ. गणेश ताथोड याच्या हाती आला त्यावेळी ग्रामपंचायतची आर्थिक परिस्थिती चांगली नव्हती त्यामुळे ग्रामपंचायतची दैनंदिन कामे करण्यात अडचणी येत होत्या याकरिता थकीत करवसुली करणे गरजेचे होते त्याकरिता येथील ग्रामविकास अधिकारी जी. के. धाडसे यांनी अभिनव पद्धत शोधून काढली.

• प्रकाश आंबेडकरांचा खळबळजनक आरोप, वीजबील माफीचा कंपनीचा प्रस्ताव एका मंत्र्याने दाबून ठेवला

यामध्ये ग्रामविकास अधिकारी हे आपल्या कर्मचाऱ्यांसह नागरिकांकडे जाऊन व ज्यांनी कर भरणा केला त्यांचा पुष्पगुच्छ देऊन सत्कार करत व याची प्रसिद्धी स्थानिक सोशल मीडियामधून करत होते. यामुळे नागरिकांचा याला चांगला प्रतिसाद लाभला.

यातून झालेल्या वासुलीतूनच कर्मचाऱ्यांना दिवाळीत होईल तेवढा पगार देण्यात आला तसेच संपूर्ण गावात विजेचे दिवे लावण्यात आले. पाणीपुरवठाही व्यवस्थित करण्यात आला. आठवडी बाजारात साफसफाई करण्यात आली.

• सतर्कतेचा इशारा; पावसाची शक्यता, अधिकाऱ्यांना मुख्यालयी रहाण्याचे निर्देश

कुरणखेड येथे मोठ्या प्रमाणात थकीत कर आहे. असेच सहकार्य नागरिकांकडून लाभले तर आणखीही कामांना गती मिळेल.
-डॉ. गणेश ताथोड, प्रशासक, कुरणखेड ग्रामपंचायत

• ह्रदयद्रावक! चारित्र्यावर संशय; पोटात चार महिन्याचे बाळ असतानाही पूनमने गळफास लावून केली आत्महत्या

वसुलीकरिता गावकरी सहकार्य करत असून, ज्यांनी सहकार्य केले त्यांचे कुरणखेड ग्रामपंचायत आभार व्यक्त करते तसेच आणखी सहकार्य अपेक्षा आहे.
-जी. के. धाडसे, ग्रामविकास अधिकारी, कुरणखेड

(संपादन - विवेक मेतकर)