मूर्तिजापूर (जि.अकोला)  : तालुक्यातील ग्राम पंचायतींच्या सरपंच पदाचे आरक्षण सोडतीद्वारे मंगळवारी (ता.८) व शुक्रवारी (ता.११) निश्चित होणार आहे.

तहसीलदार तथा निवडणूक अधिकारी प्रदीप पवार यांनी दिलेल्या माहितीनुसार २०२० ते २०२५ दरम्यान सार्वत्रिक निवडणुकीद्वारे गठीत होणाऱ्या ग्राम पंचायतींच्या सरपंचपदाचे अनुसूचित जाती, जमाती तसेच नागरिकांच्या मागास प्रवर्गाकरिता आरक्षण निश्चित करण्यासाठी मंगळवारी (ता.८) सकाळी ११ वाजता येथील तहसील कार्यालय परीसरातील नविन शासकीय धान्य गोदामात आरक्षण सोडत काढण्यात येणार आहे.

• अकोल्याच्या गल्ली बोळांत आढळली इतिहासातील सोनेरी पानं!

अनुसूचित जाती, जमाती, नागरिकांचा मागास प्रवर्ग व खुल्या प्रवर्गातील महिलांकरीता आरक्षणाची सोडत जिल्हाधिकाऱ्यांच्या अध्यक्षतेखाली अकोल्याच्या जिल्हाधिकारी कार्यालयातील छत्रपती सभागृहात शुक्रवारी (ता.११) दुपारी एक वाजता काकाढण्यात येणार आहे.

•  दिव्यांग धीरजने कशी वाढविली भारताची उंची?

इच्छुकांनी या या सरपंचपदाच्या आरक्षण सोडत कार्यक्रमास उपस्थित रहावे, आसे आवाहन तहसीलदार प्रदीप पवार यांनी केले आहे.

(संपादन - विवेक मेतकर)