अकोला  ः जिल्ह्यात सध्या सर्वत्र कोरोना विषाणूमुळे होणाऱ्या कोविड १९ रोगाने थैमान घातलं आहे. असे असले तरी कोरोनासह डेंगी, मलेरियाचे रुग्ण सुद्धा जिल्ह्यात आढळल्याचे दिसून येत आहे.

जानेवारीपासून आतापर्यंत जिल्ह्यातील ग्रामीण भागात डेंगीचे १९ तर महानगरात २ रुग्ण आढळले आहेत. त्यामुळे नागरिकांना आता कोरोनासह डेंगीपासून सुद्धा सावध राहण्याचे आवाहन आरोग्य विभागाच्या वतीने करण्यात आले आहे.

•  सर्तक रहा, आणखी पाऊस येणार म्हणजे येणार!

जिल्ह्यात मार्च महिन्यापासून कोरोना विषाणू संसर्गाचा प्रादुर्भाव दिसून येत आहे. कोरोनाचे रुग्ण वाढलेले असतानाच नागरिकांना इतर आजार सुद्धा होत आहेत. ताप, सर्दी, खोकल्या सारखे लक्षण असलेले रुग्ण कोरोनाने ग्रस्त असल्याने त्यांच्या स्वॅबची तपासणी करण्यात येत आहे.

• ह्रदयद्रावक घटना: 15 ते 20 कुत्र्यांनी नऊ वर्षांच्या मुलाचे तोडले लचके, मूलाचा मृत्यू

परंतु याव्यतिरीक्त काही रुग्णांना सतत ताप असल्यामुळे ते डेंगी व मलेरिया ग्रस्त असल्याचे आरोग्य विभागाच्या तपासणीत निष्पन्न झाले आहे. आरोग्य विभागाने जानेवारी २०२० पासून आतापर्यंत जिल्ह्यातील ग्रामीण भागातील नागरिकांच्या रक्ताची तपासणी केली असता ग्रामीणमध्ये १९ तर शहरी भागातील २ रुग्णांना डेंगी झाल्याचे समोर आले आहे.

• नाथाभाऊंच्या राजीनाम्यानंतर समर्थकांचे फोन ‘नॉटरिचेबल’

याच कालावधीत मलेरियाचे सुद्धा ९ रुग्ण आढळल्याचे दिसून आले. त्यामुळे आरोग्य विभागाने नागरिकांनी कोणताही आजार अंगावर न काढता योग्य उपचार घेण्याचे आवाहन केले आहे.

(संपादन - विवेक मेतकर)