अकोला   ः जिल्ह्यामध्ये २६ नोव्हेंबर २०१९ पासून सातव्या आर्थिक गणनाचे काम सामाजिक सेवा केंद्राचे प्रगणक घरोघरी जावून करणार आहेत. त्यासाठी सामाजिक सेवा केंद्राद्वारे ८५९ प्रगणक व २१९ पर्यवेक्षकांची नियुक्ती करण्यात आली आहे.

या सर्वांना ओळखपत्र देण्यात आले असून अशा ओळखपत्रधारक प्रगणकांना माहिती देण्याचे आवाहन जिल्हाधिकारी जितेंद्र पापळकर यांनी केले आहे.

हेही वाचा - अफलातून; शिक्षक उमेदवारानी लावली शर्ट बनियानवर लग्नसंमारंभात हजेरी

सदर आर्थिक गणनेचा उपयोग देशाच्या सर्वागीण विकासासाठी व नवीन योजना अंमलात आणण्यासाठी होणार आहे. आर्थिक बाबीचे नियोजनाच्या दृष्टीने आर्थिक गणना महत्वाची असल्यामुळे हे काम राष्ट्रीय काम समजून नागरिकांनी सहकार्य करावे.

हेही वाचा - अरे बापरे!  प्राचार्यांनीच केली प्राध्यापिकेला शरीरसुखाची मागणी

प्रगणकांना दिलेले माहिती ही पूर्णतः गोपणीय राहणार आहे, त्यामुळे नागरिकांनी न घाबरता प्रगणकांना माहिती द्यावी, असे आवाहन जिल्हा सांख्यिकी अधिकारी बी.आर. मोहोड व निवासी उपजिल्हाधिकारी संजय खडसे यांनी केले आहे.