भालेगाव बाजार (जि.बुलडाणा) ः खामगाव तालुक्यातील अंत्रज येथील शेतकऱ्यांना महिला तलाठी किरण गवई यांच्याकडून मिळत असलेली अरेरावीची वागणुकीमुळे शेतकरी त्रस्त झाले आहेत. त्यामुळे त्रस्त झालेल्या शेतकऱ्यांनी तहसीलदारांकडे लेखी स्वरुपाची तक्रार करून करावाईची मागणी केली आहे.

महसुल विभाग हा शेतकऱ्यांच्या ज्यास्त नीगडीत आहे. त्यामुळे शेतीचे सर्व कामकाज म्हणजे नोंद करणे, फेरफार सातबाऱ्यावर नावं कमी करणे, वाढवने व इतर शासकीय कामे करणे म्हणजे तलाठी शिवाय शेतकऱ्यांचा दिवाच लागता नाही.

• प्रकाश आंबेडकरांचा खळबळजनक आरोप, वीजबील माफीचा कंपनीचा प्रस्ताव एका मंत्र्याने दाबून ठेवला

तलाठी गावात येत नसल्याने दोन दिवसांआधी अत्रज येथील शेतकरी किसन देशमुख यांनी तलाठ्यांना कामकाजासंबंधी फोन केला असता, जनतेचे सेवक असलेल्या महिला तलाठी किरण गवई यांनी ‘तुम्ही मला शहाणपणा शिकवू नका’ अत्रज आले नाही तर तुम्ही मला फाशी देणार का? अशी भाषा वापरत उद्धटपणाची वागणूक दिली.

याप्रकरणी शेतकऱ्याने तहसीलदारांकडे तक्रार करून कारवाईची मागणी केली आहे. मात्र, आजपर्यंत तलाठी गवई यांच्यावर तहसीलदारांनी कोणत्याही प्रकारची कारवाई केली नाही. त्यामुळे तहसीलदार तलाठी यांना पाठीशी घालत तर नाहीतना असा सुद्धा प्रश्न निर्माण झाला आहे.

• सतर्कतेचा इशारा; पावसाची शक्यता, अधिकाऱ्यांना मुख्यालयी रहाण्याचे निर्देश

तलाठी कार्यालय विसरले
शासनाच्या आदेशानुसार तलाठ्यांना संबंधित गावातील कार्यालयात राहणे बंधनकारक असून देखील तलाठी गावकडे ढुंकूनही पाहत नाहीत. त्यामुळे शेतकऱ्यांसह सामान्य नागरिकांना देखील नाहक त्रास सहन करावा लागत आहे. तलाठ्‍यांना फोन केला असता त्यांच्याकडून शेतकऱ्यांसोबत व्यवस्थित बोलणे देखील तारेवरची कसरत करण्यासारखे होते.

• ह्रदयद्रावक! चारित्र्यावर संशय; पोटात चार महिन्याचे बाळ असतानाही पूनमने गळफास लावून केली आत्महत्या

तहसीलदारांची बदली झाली आहे. नवीन तहसीलदार रुजू होताच अत्रज येथील तलाठ्यांची चौकशी करण्यात येईल.
-राजेंद्र जाधव, उपविभागीय अधिकारी, खामगाव.

(संपादन - विवेक मेतकर)