अकोला : महापालिकेच्या शिक्षणाधिकारी शाहिन सुलताना यांच्या कार्यालयात घुसून काही लोकांनी त्यांना जीवे मारण्याची धमकी देत साहित्याची तोडफोड केली.

ही घटना १३ नोव्हेंबररोजी दुपारी सकाळी ११.३० च्या सुमारास घडली. अकोला महापालिकेच्या शिक्षण विभागात चार ते पाच अनोळखी व्यक्ती पोहचले.

• शेतकऱ्यांना दिवाळी भेट; पीक नुकसानीचे २७ कोटी मिळाले

त्यांनी शिक्षणाधिकारी शाहिन सुलताना यांना शिवीगाळ करीत जीवे मारण्याची धमकी दिली. एवढेच नाहीतर त्यांनी टेबलवरील काच व खुर्च्यांची तोडफोड केली.

• मनसे जिल्हाध्यक्षांनी लगावली अधिकाऱ्याच्या कानशिलात

घटनेची माहिती मिळताच सिटी कोतवाली पोलीस घटनास्थळी पोहचले. तोपर्यंत ते लोक निघून गेले होते.

•  Diwali Festival 2020: झेंडूच्या फुलांना आलाय सोन्याचा भाव!

याप्रकरणी शिक्षणाधिकारी शाहिन सुलताना यांची प्रतिक्रिया घेतली असता त्यांनी या व्यक्तींना ओळखत नसून नेमका हा प्रकार का केला याबाबत कल्पना नसल्याचे सांगितले.

(संपादन - विवेक मेतकर)