महान - येथील पाटबंधारे वसाहतमधील ५७ वर्ष जुनी जि.प.कनिष्ठ मराठी शाळा एकाच इमारतीत होती. शाळेची इमारतसह वसाहतीतील सर्व कॉटर अति जीर्ण झाल्याने भिंती कोसळण्यास सुरुवात झाली असून, शाळेची इमारत शिकस्त झाल्याने गत काही दिवसाआधी शाळेची भिंत पूर्ण कोसळली होती.

याबाबत ‘सकाळ’ने ता. १६ जुलै रोजीच्या अंकात ‘महान येथील ५७ वर्ष जुनी मराठी शाळेची भिंत पडली’ या मथळ्याखाली वृत्त प्रकाशित करताच पाटबंधारे विभागाने शाळेला नवीन इमारत बांधण्याची परवानगी दिल्याचे मुख्याध्यापिका निलांगी देशमुख यांनी माहिती दिली.

येथील ५७ वर्ष जुन्या शाळेत इयत्ता पहिली ते पाचवीपर्यंत विद्यार्थी आहेत. या शाळेत गनी कॉलनी, साई नगर, विपुल कॉलनी, पाटबंधारे वसाहत आणि एकवीस महेल या भागातील मुलांना खूप सोईची ठरत असल्याने या शाळेतील मुलांना येथील बस स्थानकावरील शाळेत जाण्याची गरज भासत नसल्याने लहान चिमुकले स्वतः या शाळेत जा-ये करतात.

ही शाळा पाटबंधारे विभागाच्या मालकीची असल्याने या ठिकाणी जिल्हा परिषद विभाग नवीन इमारत बांधू शकत नव्हती. जीर्ण झालेल्या शाळेची भिंतही कोसळी सुदैवाने त्यावेळी विद्यार्थ्यांना बाहेर बसविले होते.

याबात ‘सकाळ’ने ता. १६ जुलै रोजीच्या अंकात ‘महान येथील ५७ वर्ष जुनी मराठी शाळेची भिंत पडली’ या मथळ्याखाली वृत्त प्रकाशित करताच संबंधित विभागाचे डोळे उघडले. आणि गट शिक्षण अधिकारी, केंद्र प्रमुख यांनी पडलेल्या शाळेची पाहणी केली. शाळेच्या मुख्याध्यापिका आणि शिक्षक यांनी महान पाटबंधारे विभागाशी त्याच जागेवर नवीन इमारत बांधण्याची परवानगी मागितली असता, नवीन इमारत बांधकामासाठी पाटबंधारे विभागाने परवानगी दिली असल्याचे मुख्याध्यापिका देशमुख यांनी सांगितले.

शाळेच्या इमारतीचे काम सर्वशिक्षा अभियान अंतर्गत करण्यात येणार आहे. तोपर्यंत शाळेच्या आवारात एक टिनाची खोली तात्पुरती बांधून त्यामध्ये मुलांना शिकविण्यात येणार आहे.

शाळेची इमारत खूप शिकस्त झाल्याने शाळेच्या इमारतीत विद्यार्थ्यांना बसविणे थोक्याचे असल्याने. याच ठिकाणी नवीन इमारत बांधकामासाठी पाटबंधारे विभागाने परवानगी दिली आहे.

- शाहिद खान सरफराज खान, केंद्र प्रमुख, महान.