अकोला : कोरोना संसर्गामुळे होणाऱ्या कोविड १९ रोगाने ग्रस्त एका रुग्णाचा रविवारी (ता. ३०) मृत्यू झाला. त्यासोबतच १५३ नवे रुग्ण आढळले, तर ३४२ जणांना डिस्चार्ज देण्यात आल्यामुळे आता जिल्ह्यात कोरोनाचे एक हजार ६५४ रुग्ण उपचार घेत आहेत. कोरोना संसर्ग आरटीपीसीआर तपासणीचे रविवारी (ता. ३०) जिल्ह्यात ४८३ अहवाल प्राप्त झाले. त्यापैकी ३५८ अहवाल निगेटिव्ह तर १२५ अहवाल पॉझिटिव्ह आले. (Akola Corona Update)

खासगी लॅबमध्ये ११ तर रॅपिडच्या चाचणीत १७ अहवाल पॉझिटिव्ह आल्याने जिल्ह्यात रविवारी १५३ नव्या रुग्णांची भर पडली. याव्यतिरिक्त होम आयसोलेशनमधून ३४२ जणांना डिस्चार्ज देण्यात आला, तर एकाचा मृत्यू झाला. त्यात अलायन्स लायब्ररी कॅम्पाऊंड, अकोला येथील ७९ वर्षीय महिलेचा समावेश आहे. या महिलेस २१ जानेवारी रोजी रुग्णालयात दाखल करण्यात आले होते. दरम्यान सध्या जिल्ह्यात १ हजार ६५४ रुग्ण उपचार घेत आहेत. दरम्यान आतापर्यंत जिल्ह्यात ६४ हजार २ रुग्ण आढळले आहेत, तर ६१ हजार १९५ रुग्णांना डिस्चार्ज देण्यात आला असून १ हजार १५३ रुग्णांचा कोरोनामुळे मृत्यू झाला आहे.