अकोला : अकोला कोरोनाचे नवे हॉटस्पॉट म्हणून उदयास येत आहे. एकाच दिवशी अकोल्यात पुन्हा दोन जणांचा मृत्यू झाला असून, अकोल्यात मृत्यू सत्र सुरूच आहे. पुन्हा रुग्णांची भर पडली असून अकोलेकरांची चिंता वाढली आहे.
शासकीय वैद्यकीय महाविद्यालय तथा सर्वोपचार रुग्णालय यांच्याकडून प्राप्त झालेल्या माहितीनुसार रविवारी एकूण अठराच अहवाल प्राप्त झाले. त्यामध्ये तब्बल 11 पॉझिटिव्ह रुग्ण आढळले आहे तर उर्वरित सात अहवाल हे निगेटिव्ह आले आहेत.
महत्त्वाची बातमी - ‘त्या’ पोलिस कर्मचाऱ्यासाठी देवेंद्र फडणवीस यांनी मुख्यमंत्री उद्धव ठाकरे यांना पाठविले पत्र अन्...
रविवारी सकाळी प्राप्त अहवालात पाच महिला व सहा पुरुष आहेत. त्यात हरिहरपेठ येथील दोन, खदान, जी. वी. खदान, गायत्रीनगर कौलखेड रोड, गोडबोले प्लॉट, फिरदौस कॉलनी, जुनेशहर, तारफैल, जठारपेठ, सिंधी कॅम्प येथील रहिवासी आहेत.
दोन मृत्यू एक शहरातील एक बाळापुर मधील
दरम्यान शनिवारी रात्री दोन जण उपचार घेतांना मयत झाले आहेत. त्यात एक व्यक्ती सुधीर कॉलनी सिव्हील लाईन येथील रहिवासी आहे. हा व्यक्ती 27 मे रोजी दाखल झाला होता. तर अन्य व्यक्ती बाळापुर येथील असून हा व्यक्ती 26 मे रोजी दाखल झाला होता. या दोघांचा काल रात्री मृत्यू झाला.
आवश्यक वाचा - अरे बापरे! सर्वोष्ण शहरांच्या यादीत या शहराचे नाव; जणू काही जगातील उष्णतेचे केंद्र बनन्याकडे...
आता सद्यस्थिती
एकूण पॉझिटिव्ह अहवाल-581
मयत-32 (31+1), डिस्चार्ज-423
दाखल रुग्ण (ॲक्टिव्ह पॉझिटिव्ह)-126
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.