अकोला : येथील शिवणी विमानतळाच्या धावपट्टी विस्तारासाठी 22 हेक्टर जमिनीची आवश्यकता आहे. ही बाब अकोला जिल्ह्याचे पालकमंत्री तथा राज्यमंत्री ओमप्रकाश ऊर्फ बच्चु कडू यांनी लक्षात आणून दिले. ही बाब लक्षात घेता राज्याचे उपमुख्यमंत्री तथा वित्त व नियोजन मंत्री अजितदादा पवार यांनी येत्या अर्थसंकल्पात 80 कोटी रूपयांची तरतुद केली जाणार असल्याची घोषणा केली.

अकोल्याचे  बातम्यांसाठी येथे क्लिक करा 

अमरावती विभागातील पाचही जिल्ह्यांच्या वार्षिक नियोजन आराखड्याचा आढावा घेण्यासाठी जिल्हा नियोजन भवनात सोमवारी आयोजित बैठकीत अजित पवार यांनी ही घोषणा केली. सध्या शिवणी विमानतळाची धावपट्टी 1400 मीटरची आहे. मात्र ही धावपट्टी 2200 मीटरने वाढविल्यास बोईंग विमाने उतरू शकतील, असे जिल्हाधिकारी जितेंद्र पापळकर यांनी अजित पवार यांच्या लक्षात आणून दिले. यावर बच्चु कडू यांनी अकोला जिल्ह्याच्या विकासासाठी शिवणी विमानतळाचा विकास होणे आवश्यक असल्याचे लक्षात आणून दिले. अकोल्याचे पालकमंत्री तथा राज्यमंत्री बच्चु कडू यांची आग्रही भूमिका पाहून अजितदादा पवार यांनी 22 हेक्टर जमीन संपादन करण्यासाठी 80 कोटी रूपयांची तरतूद अर्थसंकल्पात करणार असल्याची घोषणा केली. 

हे ही वाचा : महिला, बालविकासच्या योजनांसाठी नियोजनाचा तीन टक्के निधी राखीव

मानव विकास निर्देशंकात अकोला जिल्हा खूपच मागे आहे. अकोला शहरातीलच नव्हे तर जिल्ह्यातील 5 हजार किमी. पैकी 2300 किमी लांबीचे रस्ते खराब झाले असून रस्त्यावर धुळीचे साम्राज्य निर्माण झाले आहे. त्यामुळे अकोला जिल्ह्याला रस्ते दुरूस्तीसह अन्य महत्वाच्या कामांसाठी जिल्हा नियोजनचा निधी वाढवून तो 200 कोटी रूपये देण्यात यावा, अशी मागणी केली. ही मागणी लक्षात घेत अजित पवार यांनी यावर्षीचा जिल्हा नियोजनचा वार्षिक आराखडा हा 190 कोटी रूपये राहील अशी घोषणा कैली. बैठकीला वित्त व नियोजन विभागाचे अतिरिक्त सचिव श्री.चक्रवर्ती, विभागीय आयुक्त पियुष सिंह, अमरावतीचे जिल्हाधिकारी शैलेश नवाल आदी उपस्थित होते.