पथ्रोट (जि. अकोला) : लग्नानंतर पाच मुली जन्माला आल्याचे कारण समोर करून पत्नीला तीन तलाक देण्याच्या प्रकरणी पथ्रोट पोलिसांनी मोहम्मद फारूक मोहम्मद शफी याच्याविरुद्ध गुन्हा दाखल केला आहे.
येथील आठवडीबाजार परिसरात राहणाऱ्या युवतीचे मोहम्मद फारूक मोहम्मद शफी (रा. माऊली जहागीर) यांच्यासोबत एप्रिल २००५ मध्ये रीतीरिवाजानुसार लग्न झाले होते. तो तिला मुलगा व्हावा म्हणून नेहमी त्रास द्यायचा. त्याच्या घरातील सदस्यही पीडितेला शिवीगाळ करून मारझोड करायचे. सोबतच मुलींच्या पालनपोषणासाठी वडिलांकडून पाच लाख रुपये आणण्यासाठी दबाव टाकला जायचा.
दोन्ही मुली झाल्यानंतर होणाऱ्या नेहमीच्या त्रासाला कंटाळून पीडितेच्या वडिलांनी मुलगा, जावयाला प्लॉट घेऊन घर बांधून दिले. त्यानंतरही तिला तीन मुली झाल्या. फारूकने आणखीन पैशाची मागणी करीत तिला त्रास देणे सुरूच ठेवले. अखेर या सर्व प्रकरणाला कंटाळून २ ऑक्टोबरला तिच्या वडिलांच्या घरी बैठक घेण्यात आली. त्यात फारूक काहीही ऐकण्याच्या मनःस्थितीत नव्हता व तेथेच त्याने तीनवेळा तलाक म्हणून पत्नीशी संबंध तोडले. त्यामुळे पीडितेने पती मो. फारूक, तसेच त्याचे नातेवाईक अशा सहा जणांविरुद्ध पोलिस ठाण्यात तक्रार दाखल केली होती.
तीन तलाक अॅक्टमधील तरतुदीनुसार पतीवर गुन्हा दाखल केला आहे. उर्वरित नातेवाइकांवर तपासाअंती बयानावरून यातील इतर कलमांनुसार गुन्हा दाखल करण्यात येईल.- सचिन जाधव, ठाणेदार, पथ्रोट
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.