अकोला : विशेष जिल्हा व सत्र न्यायालयाचे न्या.व्ही.डी. पिंपरकर यांचे न्यायालयाने पोस्को कायद्यांतर्गत बाळापूर येथील गुलाम शाकीर गुलाम जकिर याल अल्पवयीन बालिकेचा पाठलाक करून तिचे सोबत तिला लज्जा वाटेल असे कृत्य करून त्रास दिल्या बद्दल दोषी ठरवत पाच वर्ष कारावासाची शिक्षा ठोठावली आहे. सोबत एकूण २० हजार रुपयांचा दंडही आकारला आहे.

बाळापूर पोलिस स्टेशनच्या हद्दीत ता. २९ डिसेंबर २०१६ रोजी या प्रकरणी गुन्हा नोंदवण्यात आला होता. पीडित अल्पवयीन मुलीस ती शाळेत जात- येत असताना पाठलाग करून गुलाम शाकीर गुलाम जकिर हा त्रास देत असे व तिचे घरासोमोरून चक्रा मारीत असे. एकदा त्याने तिला रस्त्यात अडवून असभ्य वर्तन केले. त्यामुळे पीडितेने त्याचे विरुद्ध फिर्याद दिली. सरकार पक्षातर्फे एकूण सहा साक्षिदार तपासन्यात आले. पीएसआय एम. बी. वाघमोडे व पीएसआय विणा भगत यांनी तपास केला. सरकारतर्फे सहायक सरकारी अभियोक्ता किरण खोत यांनी बाजू मांडली.