- अंशदायी पेन्शन योजनेतील शिक्षकांना दिलासा
अकोला ः अंशदायी पेंशन योजनेतील (Contributory pension scheme) शिक्षकांचा मृत्यू झाल्यास त्यांच्या कुटुंबीयांना सानुग्रह अनुदान लवकरच मिळेल. याबाबतचा आदेश शिक्षण संचालकांनी जिल्हा परिषदेच्या मुख्य कार्यकारी अधिकारी व शिक्षण विभागाला दिला आहे. यासाठी महाराष्ट्र राज्य शिक्षक परिषदने (प्राथमिक विभाग) सातत्याने पाठपुरावा केला हाेता. (Grants will be given after the death of the teacher)
अंशदायी पेन्शन योजना लागू असलेल्या कर्मचाऱ्यांच्या मृत्यूनंतर त्यांच्या कुटुंबीयांना द्यायचे १० लाख रुपये सानुग्रह अनुदान आणि लाभ यासाठी शिक्षकांमधून मागणी करण्यात येत हाेती. यासंबंधी शिक्षक परिषदचे राज्याचे अध्यक्ष राजेश सुर्वे यांनी शिक्षण संचालकांनी पत्र देऊन पाठपुरावाही केला होता.
त्याची दखल घेऊन मुख्य कार्यकारी अधिकारी यांना जिल्ह्यातील सर्व प्रकरणांची चौकशी करून सर्व अहवाल ग्रामविकास विभागाकडे तातडीने पाठविण्याचा आदेश संचालकांनी दिला आहे. तसेच शासनाच्या निर्देशानुसार सानुग्रह अनुदान देऊन तसा अहवाल सादर करण्यात यावा, असेही त्यांनी स्पष्ट केले आहे. सदर या निर्णयाचे जिल्हाध्यक्ष प्रकाश चतरकर, वंदना बोर्डे, गजानन काळे, श्याम कुलट व इतरांनी स्वागत केले आहे.
संपादन - विवेक मेतकर
Grants will be given after the death of the teacher
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.