अकोला ः शहरातील जुने शहर पोलिस स्टेशन अंतर्गत येणाऱ्या मौजे डाबकी शेत शिवारात ७.९५ आर जमिनीचे खोटी कागदपत्रे सादर करून जमिनीत फेरफार करण्यात आले. तसेच जमिनीची परस्पर विक्री केल्याने फिर्यादीने दिलेल्या तक्रारीवरुन दोन आरोपी, तलाठी, मंडळ अधिकाऱ्यांसह चौघांविरोधात जुने शहर पोलिस स्टेशनला गुन्हे दाखल करण्यात आले आहेत. (Land was grabbed by making false documents!)
फिर्यादी राजेश्वर गुणवंतराव पारस्कर (वय ४२, रा. आदर्श कॉलनी, ह.मु. घोडबंदर रोड, ठाणे वेस्ट मुंबई) यांनी दिलेल्या फिर्यादीनुसार, त्यांची मौजे डाबकी शेतशिवारात शेतजमीन आहे. या जमिनीमध्ये आरोपी ज्ञानेश्वर गुणवंतराव पारस्कर (रा. अकोला), सरोज ज्ञानेश्वर पारस्कर, मंडळ अधिकारी थिटे, तलाठी शितल अटल यांनी संगनमत करून ७.९५ आर जमिनीचे खोटे कागदपत्रे बनवून जमिनीच्या कागदपत्रांमध्ये फेरफार केली. तसेच ७.९५ आर जमीन स्वताच्या नावावर करून घेत खोटी माहिती सादर करून जमीन परस्पर विक्री करण्याचा प्रयत्न केला. याची माहिती फिर्यादी राजेश्वर गुणवंतराव पारस्कर यांना मिळाल्याने फिर्यादीने थेट जुने शहर पोलिस स्टेशन गाठून फिर्याद दिली.
या फिर्यादीवरून पोलिसांनी आरोपी ज्ञानेश्वर गुणवंतराव पारस्कर (रा. अकोला), सरोज ज्ञानेश्वर पारस्कर, मंडळ अधिकारी थिटे, तलाठी शितल अटल यांच्याविरोधात भादवि कलम ४६३, ४६७, ४७१, ४२०, ३४ नुसार गुन्हे दाखल केले. याप्रकरणी जुने शहर पोलिस स्टेशनचे पोलिस निरीक्षक महेंद्र देशमुख यांच्या मार्गदर्शनाखाली एपीआय लवंगळे अधिक तपास करीत आहेत.
Land was grabbed by making false documents!
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.