अकोला : मूर्तिजापूर रोडवरील सिनेमागृहात मराठी चित्रपट ‘बाईपण भारी देवा’चे बॅनर न लावल्यामुळे मनसेचे पदाधिकारी, कार्यकर्ते यांनी सोमवारी (ता. १७) चित्रपट गृहावर धडक दिली.

मराठी सुप्रसिद्ध चित्रपट ‘बाईपण भारी देवा’ हा मूर्तिजापूर रोड वरील मिराज सिनेमा येथे सुरु आहे.

मात्र या चित्रपटाचे होर्डिंग मुख्य बोर्डवर लावण्यात आलेले नाही. त्यामुळे यासंदर्भात माहिती मिळताच महाराष्ट्र निर्माण सेनेचे पदाधिकारी व कार्यकर्ते यांनी सोमवारी (ता. १७) मिरज सिनेमा येथे जाऊन आजच्या आज जर ‘बाईपण भारी देवा’ चित्रपटाचे मोठे होर्डिंग जर लावण्यात आले नाही, तर उद्यापासून इतर चित्रपट सुरू राहू देणार नाही, अशी सक्त ताकीद देण्यात आली.

यावर मिरज सिनेमाच्या मॅनेजरने लवकर आम्ही पोस्टर लावू असे आश्वासित केले. यावेळी जिल्हाअध्यक्ष पंकज साबळे, शहर संघटक अरविंद शुक्ला, शहरअध्यक्ष सौरभ भगत, जिल्हा सचिव ललित यावलकर, जिल्हा सहसचिव मोहान मते, शहर उपाध्यक्ष सोनू अवचार, मुकेश दोनफोडे, राजेश पिंजरकर, शुभम कोवोकार, मनविसे जिल्हा उपाध्यक्ष जय मालोकार, रूपेश तायडे, तालुका उपाध्यक्ष सतीश खाकरे, विभाग अध्यक्ष मंगेश देशमुख इत्यादी कार्यकर्ते उपस्थित होते.