अकोला ः कोरोना प्रतिबंधात्मक लसीकरणासाठी (Corona preventive vaccination) जिल्ह्याला कोव्हिशील्डचे (Supply of Covidshield vaccine to Akola district) ८ हजार ५०० आणि कोव्हॅक्सीनचे १ हजार ७४० डोस शुक्रवारी (ता. २८) मिळाले. सदर साठ्यातून केवळ तीन-चार दिवसच लसीकरण करता येणार असल्याने पुन्हा कोरोना लसीकरणाचा वेग मंदावेल. (The supply of Covidshield vaccine to Akola district is very low)

जिल्ह्यात कोरोना लसीकरणाच्या पहिल्या टप्प्यात कोरोना योद्धा व वैद्यकीय कर्मचाऱ्यांचे लसीकरण करण्यात आले. त्यानंतर १ मार्चपासून शासनाने ६० वर्षांवरील ज्येष्ठ नागरिक व दुर्धर आजारग्रस्तांचे लसीकरण करण्याच्या सूचना आरोग्य विभागाला दिल्या होत्या.

१ एप्रिलपासून ४५ ते ५९ वयोगटातील नागरिकांचे सुद्धा लसीकरण करण्याची मोहीम राबविण्यात येत आहे. या वयोगटातील लाभार्थ्यांची संख्या जिल्ह्यात ६ लाखांच्या जवळपास असून सदर वयोगटातील लाभार्थी मोठ्‍या संख्येने लस घेत आहे.

दरम्यान असे असले तरी जिल्ह्याला कोरोना लशींचा अल्प साठा मिळत असल्याने लसीकरण मोहिमेचा वेग मंदावत आहे. दरम्यान शुक्रवारी (ता. २८) कोरोना लशींचे एकूण १० हजार २४० डोज जिल्ह्यासाठी मिळाले. सदर साठा अल्प असल्याने जिल्ह्यात पुन्हा लसीकरणाचा वेग मंदावेल.

कोव्हॅक्सीनचा उपयोग दुसऱ्या डोससाठीच
केंद्र व राज्य शासनाकडून कोव्हॅक्सीन लसींचा अल्प साठा मिळत असल्याने जिल्ह्यासाठी शुक्रवारी मिळालेल्या १ हजार ७४० लसींचा उपयोग दुसऱ्या डोससाठीच करण्यात येणार आहे. त्यासोबतच कोव्हिशील्डच्या ८ हजार ५०० लसींचा उपयोग पहिल्या डोससाठी करण्यात येईल.

संपादन - विवेक मेतकर

The supply of Covidshield vaccine to Akola district is very low