मुंबई : येत्या अर्थसंकल्पात महत्त्वाच्या आर्थिक धोरणांबरोबरच क्षेत्रनिहाय (सेक्टरवाईज) भेडसावणाऱ्या समस्यांवर देखील सरकारला लक्ष केंद्रित करावे लागणार आहे, असे स्टेट बँकेचे (एसबीआय) अध्यक्ष रजनीश कुमार यांनी सांगितले.
याचबरोबर संकटात सापडलेल्या बांधकाम, दूरसंचार आणि ऊर्जा क्षेत्राला देखील सरकारकडून मदत मिळणे अपेक्षित आहे. मात्र बँकिंगसाठी चालू वर्ष सकारात्मक ठरणार आहे.
देशांतर्गत अर्थव्यवस्थेला चालना देण्याच्या दृष्टीने अर्थसंकल्पात मौद्रिक आणि वित्तीय धोरणे आखली जातील. त्यामुळे मागणी वाढून अर्थव्यवस्थेत सुधारणा होईल. मात्र, त्याचबरोबर विविध वित्तीय क्षेत्रांना भेडसावणाऱ्या समस्या लक्षात घेऊन पाऊले उचलली जाणे गरजेचे असल्याचे ते म्हणाले.
रिअल इस्टेट क्षेत्रासाठी सरकारने रिअल इस्टेट फंडाची स्थापना केली आहे. त्याचप्रमाणे दूरसंचार क्षेत्रातील समस्यांचे निराकरण करणे आवश्यक आहे. दूरसंचार क्षेत्र सध्या मोठ्या कर्जाशी झुंज देत आहे. गेल्या 14 वर्षांपासूनची महसुली थकबाकी आणि दंड मिळून ९२ हजार कोटी रुपये कंपन्यांना चुकते करावे लागणार आहे. मात्र बँकिंग क्षेत्रासाठी थकीत कर्जाच्या (एनपीए) वसुलीसाठी वर्ष 2020 चांगले असेल असा विश्वास त्यांनी व्यक्त केला.
'एस्सार स्टील'सारख्या मोठ्या कंपन्यांकडून यावर्षात थकबाकी वसुलीची प्रक्रिया पूर्ण होईल. त्याचबरोबर इतर कंपन्यांकडून देखील कर्जाची परतफेड अपेक्षित असल्याने बँकांसाठी वर्ष सकारात्मक राहण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.